පසුගිය ආණ්ඩුවේ සිටි සියලු දෙනා නැවත එක් වී අලුත් ආණ්ඩුවක් පිහිටුවා ගත යුතු බවට නාමල් රාජපක්ෂ කර ඇති යෝජනාව හවුල්කාර පක්ෂ වෙත රැගෙන ආ වාසුදේව නානායක්කාරට සෙසු පක්ෂ නායකයින් සහසුද්දෙන්ම විය යුත්ත කියා දුන් බව වාර්තා වේ.
මේ යෝජනාව දැඩි සේ ප්‍රතික්ෂේප කර ඇති ආණ්ඩුවෙන් ස්වාධීන වූ හවුල්කාර පක්ෂ නායකයින් නැවත මෙවැනි මුග්ධ යෝජනා මෙවැනි හමුවලට ගෙන නොඑන සේ වාසුදේව නානායක්කාර මන්ත්‍රීවරයාට අවවාද කර තිබේ.
නාමල් රාජපක්ෂ සහ වාසුදේව නානායක්කාර අතර පැවති දීර්ඝ සාකච්ඡාවකින් පසු නාමල් රාජපක්ෂ මෙම යෝජනාව ඔහු සෙසු පක්ෂ නායකයින් වෙත ඉදිරිපත් කර ඇත. නාමල් රාජපක්ෂගේ එම යෝජනාව සම්බන්ධව ශ්‍රී ලංකා පොදු ජන පෙරමුණේ හවුල්කාර පක්ෂ සමග සාකච්ඡා කර පිලිතුරක් ලබා දෙන බව වාසුදේව නානායක්කාර මන්ත්‍රීවරයා පොරොන්දු වී ඇත.
කෙසේ නමුත් හවුල්කාර පක්ෂ සමග පසුගිය දා පැවති සාකච්ඡාවක දී මෙම යෝජනාව වාසුදේව නානායක්කාර විසින් සභාවට ඉදිරිපත් කර තිබේ.
ඊට එම පක්ෂවල දැඩි විරෝධය පල වී ඇත. මින් ඉදිරියට නාමල් රාජපක්ෂගේ යෝජනාව සම්බන්ධව කතා කිරිමට හෝ ඔහු සමග ඒ ගැන සාකච්ඡා කිරීමට කටයුතු නොකරන ලෙස එම පක්ෂවලට අයත් මන්ත්‍රිවරු වාසුදේව නානායක්කාරට දැනුම් දී ඇත.
වර්තමානයේ රටේ ඇතිවී තිබෙන විනාශයට රාජපක්ෂ පවුල වගකිව යුතු බවත් විනාශකාරී රාජපක්ෂවරුන් සමග ආණ්ඩුවක් පිහිටුවීමට කටයුතු නොකරන බවත් ස්වාධීන වූ දේශපාලන පක්ෂ නායකයකින් එහිදී වැඩිදුරටත් ප්‍රකාශ කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මේ අතර අද (03) විශේෂ මාධ්‍ය සාකච්චාවක් කැඳවූ 43 කණ්ඩායමේ නායක චම්පික රණවක ප්‍රකාශ කළේ වාසුදේව නානායක්කාර නාමල් මොනවා කියා ඇතිදැයි තමන් නොදන්නා නමුත් ජනතාව වෙනුවෙන් දැඩි ආවේගයෙන් ප්‍රකාශ කළ යුතුව ඇත්තේ මැයි 09 ජනතාව ඉගැන්වූ පාඩම තේරුම් ගෙන නාමල් රාජපක්ෂ සිය පවුල සමගම දේශපාලන වේදිකාවෙන් බැස යෑමට කාලය පැමිණ ඇති බවය.