හැටන් රංජිත් රාජපක්ෂ –
ඉකුත් 21 වැනිදා ජාතික ජන බලවේගයට සහාය දක්වන හෙද නිලධාරිනියකට පහර දුන් සිද්ධියක් සම්බන්ධව සමගි ජන බලවේගයේ නාවලපිටිය ආසන සංවිධායක සසංක සම්පත් සංජිව අද (26) දින සැකපිට අත්අඩංගුවට ගෙන නාවලපිටිය අධිකරණයට ඉදිරිපත් කර තිබිණි.
අත් අඩංගුවට ගෙන අධිකරණයට ඉදිරිපත් කළ සැකකාර සංවිධායකයාට නාවලපිටිය මහෙස්ත්රාත් ලනස්ජි රත්නායක තරයේ අවවාද කර රු ලක්ෂ දෙකක ශරිර ඇප මත මුදා හැරීමට නියෝග කළාය.
යලිත් මෙම නඩුව ලබන මස (28) දින කැදවිමට නියෝග කලාය.
සැකකරුවා මෙසේ පහර දී තිබුණේ නාවලපිටිය දිස්ත්රික් මහ රෝහලේ හෙද නිලධාරිනියකට ය.
සිද්ධිය සම්බන්ධයෙන් නාවලපිටිය පොලිසිය වෙත වින්දිත පාර්ශවය පැමිණිලි කර තිබිණි.
පැමිණිල්ලක් අනුව සැකකරු අත්අඩංගුවට ගෙන අධිකරණය වෙත ඉදිරිපත් කිරිමට නාවලපිටිය පොලිසිය අද කටයුතු කළේය.
පැමිණිලිකාරිනිය විසින්ද සැකකරුට බැන තර්ජනය කලේ යැයි කියන සිද්ධියක් සම්බන්ධයෙන් සැකකරු නාවලපිටිය පොලිසිය වෙත කර ඇති පැමිණිල්ල සම්බන්ධයෙන්ද විමර්ශනයක් සිදු කර අධිකරණය හමුවේ කරුණු වාර්තා කරන ලෙසට නියෝග කල බවයි නාවලපිටිය පොලිසියේ ස්ථානාධිපති ප්රධාන පොලිස් පරික්ෂක හරෙන්ද්ර කළුගම්පිටිය පැවසිය.
