වාහන ආනයනය සඳහා වෙළඳපල විවෘතවන මුල් අවස්ථාවේ දී පර්මිට් වලින් වාහන ගෙන්වීමේ අවස්ථාව නොලැබෙන බව ජනාධිපති අනුර කුමාර දිසානායක පැවසුවේය.
ඊයේ (22) සිරස රූපවාහිනී නාලිකාවේ සටන සංවාදයට එක්වෙමින් ජනාධිපතිවරයා පැවසුවේ මේ වනවිට රජයේ නිලධාරීන් සඳහා නිකුත් කර ඇති පර්මිට් ප්රමාණය විසි දහස ඉක්මවා ඇති බවය. 2018 වසරේ දී බිලියන 1.9ක වාහන ආනනය කිරීමේ දී එම වැය බර එතරම් විශාල එකක් වූයේ වැඩි ප්රමාණයක් පර්මිට් වලින් ගෙන්වූ වාහන නිසා බව ද ජනාධිපතිවරයා පෙන්වා දුන්නේය.
ඔහු කීවේ මේ වසරේ වාහන ගෙන්වීමේ සීමාව ඩොලර් බිලියන 1.2කට සීමා කර ඇති බැවින් පර්මිට් සඳහා වාහන ගෙන්වීමට මුල් අවස්ථාවේ ඉඩ නොලැබෙන බවත්, ඒ සඳහා වෙනම වැඩපිළිවෙළක් පිළිබඳව මේ වනවිට සාකච්ඡා කරමින් සිටින බවත්ය.
ජනාධිපතිවරයා මෙසේ ද පැවසුවේය.
“අවුරුදු 05ක් ආනයනය නතර කරලා තියනවා. 2018 අප වාහන ආනයනය කරලා තියනවා ඩොලර් බිලියන 1.95 ක වගේ. 2019 දි 1.4ක වාහන ප්රමාණයක් ආනයනය කරලා තියනවා. අවරුදු 05කට පසු අපි වාහන ආනයනය කරන්න යනවා. එතකොට අපි මේ වාහන ආනායනය කරන්න යන්නේ ශක්තිමත් ඩොලර් සංචිත හදලාම නෙමෙයි. අපේ ආර්ථිකය තව දුරටත් ඉස්සරහට තල්ලු කරන්න මේ වාහන වෙළෙඳපල නිර්මාණය කරගත යුතුයි කියන ස්ථාවරයේ ඉඳලා.
එහෙමනම් අපේ ඩොලර් සංචිතයට විශාල බලපෑමක් ඇති නොවිය යුතුයි. වාහන විසින් අපට සියල්ල කඩා වැටෙන තැනකට යන්න බෑ. ඉතාම ප්රවේශම් සහිතව වාහන වෙළෙඳපල විවෘත කරන්න ඕන.
දෙක… මිල ගණන් ගත්තම දැනට තියෙන්නේ ඩොලර්ය 190 තියනකොට ආනයනය කළ වාහන. දැන් ඩොලරය 300 වෙලා තියනවා. එතකොටම වාහනයක මිල එදා ඩොලරයට සාපේක්ෂව ආසන්න වශයෙන් සියයට 40ක මිල වැඩිවීමක් ඩොලරයේ හැසිරීම විසින් සිද්ධ වෙනවා.
තුන්වැන්න ආනයන සඳහා වැට් බද්ද සියයට 18ක් ඇතුළු වෙලා තියනවා. ඊලගට වාහන වෙළෙදපලේ දෙවැනි වෙළෙඳපලක් තියනවා. බොහෝ අය ලීසින් කරලා සෙකන්ඩ් හෑන්ඩ් වාහන අරන් තියනවා. එතකොට මේ සෙකන්ඩ් හෑන්ඩ් මාර්කට් එකයි මේ වාහනයි අතර ආසන්න කමක් හැදුනොත් ආපසු වෙන අර්බුදයක් නිර්මාණය වෙනවා. සෙකන්ඩ් හෑන්ඩ් මාර්කට් එකත් එක්කත් අලුතින් ආනයනය කරන වාහන මැච් කරන්න ඕන. සෙකන්ඩ් හෑන්ඩ් මාර්කට් එක අර්බුදයට ගියොත් ලීසින් කොම්පැණි බැංකු ඔක්කොම අර්බුදයකට යනවා.
මහ බැංකුවත් එක්ක සාකච්ඡා කළා කොච්චර වගේ ඩොලර් ප්රමාණයක් වෙන් කළ හැකි ද කියලා.
හතරවෙනුව වාහන වෙළෙඳපල විවෘත කරනකොට ඒ මුළු පීඩනයම පෙබරවාරි මාසයේ එන්නේ නැතිව වසර පුරාම ගන්නේ කොහොමද කියන එක. ආසන්න වශයෙන් ඩොලර් බිලියන 1.2 ප්රමාණයක වාහන ආනයනය කරන්න බලාපොරොත්තු වෙනවා. මේ ඩොලර් බිලියන 1.2ම පෙබරවාරි මාසයෙ ආනයනය කරන්න ඇතිවුනොත් ආයෙම ඩොලරය මත පීඩනයක් එනවා. ඒ තොරපුම විශාලයි. ඒ විසින් නැවත ගැටලුවක් ඇති කරනවා.
මාධ්ය – පර්මිට් විශාල ප්රමාණයකුත් තියනවා.
ජනපති – පර්මිට් සඳහා මේ වෙලාවෙ අවස්ථාව ලැබෙන්නේ නෑ. පර්මිට්වලට අවසථාව ලැබෙන්නෙ නෑ.
මාධ්ය – දැනට නිකුත් කරලා තියනවා විසි දාහක්
ජනපති – පර්මිට් විසි දාහක් නිකුත් කරලා තියනවා. අපි ඒකට වෙන ක්රමවේදයක් ගැන කල්පනා කරමින් සිටිනවා පසුව. නමුත් මේ අවස්ථාවේ දී පර්මිට්වලට අවස්ථාව ලැබෙන්නේ නෑ. මොකද 2018 දි මම බැලුවා බිලියන 1.9ක් ආනයනයට ගිහින් තියෙන්නේ වැඩිපුර පර්මිට්වලට වාහන තමයි එදා ඇවිත් තියෙන්නේ.
බිලියන 1.2ක වගේ ප්රමාණයක අපි වාහන රඳවා ගන්න ඕන. ඒ නිසා ආරම්බයේ දී මිල ඉහළ යාවි. ආරම්භක මාසයට දෙන තෙරපුම අඩු කරන්න ඕන. පසුව වෙළෙඳපල හැසිරෙන ආකාරය අනුව මේක නිදහස් කරගෙන යන්නේ කොහොමද කියලා. මෙතෙන්ට ගියෙ ආර්ථිකයේ සියල්ල සම්පූර්ණ කරමින් නොවේ. මෙය අවදානම් සහිත තීරණයක්. පැති කීපයකින්ම කල්පනා කරලා තමයි මේ තීරණය අරන් තියෙන්නේ.
