-
බතත් සමග කරන ගනුදෙනුවේ දී ප්රජාතන්ත්රවාදයේත් සීමා ඇති බව ජනපති අවධාරණය කරයි…
සහතික මිලට අලෙවි කිරීම සඳහා සහල් වෙළෙඳපලට නිකුත් කිරීම මේ මහ කන්නයේ සිට අනිවාර්ය බවත්, වී නැමැති ජාතිකවත්කම සම්බන්ධව නැවත නැවතත් කූඨ ව්යාපාර කරන්නට පැමිණෙන සියලුම සහල් මෝල් හිමියන්ගේ මෝල හමුදා භාරයට ගන්නා බවත් ජනාධිපති අනුර කුමාර දිසානාය ප්රකාශ කළේය.
එබැවින් තොග රැස් කරනන්ට ඔහු අවධාරණය කළේ සහල් සහතික මිලට වෙළෙඳපලට නිකුත් කිරීමට හැකි මිලකට වී මිලදී ගැනීම සිදුකරන ලෙසය.
එමෙන්ම සහල් තොග රැස් කරන්නන් වී අලෙවි මණ්ඩලයේ සහ පාරිභෝගික සේවා අධිකාරියේ ලියාපදිංචිවී අනිවාර්යය බව කී ජනාධිපතිවරයා එසේ නොකරන තොග රැස් කරන්නන්ගේ සහල් තොග රාජ සන්තක කරන බව ද දැනුම් දුන්නේය. ඔහු ප්රකාශ කළේ රටේ බත සමග ගනුදෙනු කිරීමේ දී ප්රජාතන්ත්රවාදය සම්බන්ධවත් සීමා ඇති බවය. ඊයේ සටන සංවාදශීලී රූපවාහිනී වැඩසටහනට එක් වෙමින් ජනාධිපතිවරයා මේ අවධාරණය කළේය.
එහිදී ජනාධිපතිවරයා මෙසේ ද පැවසුවේය.
පළවෙනි අපිට දත්තයක් ඕන. අපි චක්රලේඛයක් නිකුත් කළා වී තොග රැස් කරන හැම කෙනාම ආණ්ඩුවේ ලියාපදිංචි වෙන්න ඕන. වී තොග රැස් කරන කිසිම කෙනෙකුට රජයේ ලියාපදිංචි නොවී වී තොග රැස් කරන්න බෑ මීට පස්සේ.
තමන් කුඹුරෙන් කොටලා වී ටික ගෙදර තියා ගැනීම නෙමෙයි මේ කියන්නේ. මිලදී අරගෙන තොග රැස් කරනවා නම් එයා රජයේ ලියාපදිංචි වෙන්න ඕන. ඒ කියන්නේ පාරිභෝගික අධිකාරියේ සහ වී අලෙවි මණ්ඩලයේ ලියාපදිංචි වෙන්න ඕන.
එතකොට ඒ අය ලියාපදිංචි වුනාම ඒ අය සති පතා වී තොග පිළිබඳ වාර්තාවක් එවන්න ඕන. ගෙදර කෙනෙකුට රත්තරන් රැස් කරගන්න පුලුවන්. අපට කියන්න ඕන නෑ. ඉඩම් තියා ගන්න පුලුවන්. අපට කියන්න අවශ්ය නෑ. නමුත් වී එහෙම තියාගෙන ඉන්න අයිතියක් නෑ.
අපේ රටේ මහා මාර්ගවලට ඇරුණුකොට වැඩිම ආයෝජනය කරලා තියෙන්නේ වී නිශ්පාදනය කරන්න. ඒ කියන්නේ වාරිමාර්ගවලට. අපි ආසන්න වශයෙන් මේ මහ කන්නයේ දී රුපියල් බිලියන විස්සකට වැඩි ප්රමාණයක් දුන්නා පොහොර සහනාධාරයට. කෝටි 2000ක්. රටේ ඉඩම් සම්පත මේකට යට කරලා තියනවා. ඒ කියන්නේ මේක ජාතික දේපලක්. මේක එක එක්කෙනාට හංගගෙන ඉන්න එක එක්කෙනාට තොග රැස් කරගෙන ඉන්න… එහෙම කරන්න බෑ. ඒ නිසා ඒ දේපල ගැන ආණ්ඩුවට වාර්තාව ඕන. එහෙම නොකරන ඒව පවරා ගන්නවා.
දෙවනි එක… මේ වී අඹරලා වෙළෙඳපලට දාන සැලැස්ම තියෙන්නේ ඒ ගොල්ල ලඟ. අප විසින් මොකද කරන්නේ… වී තොග රැස් කරන්න ඕන. අපි මුදල් අමාත්යාංශයත් එක්ක සාකච්ඡා කරලා කෝටි 500ක් වෙන් කරන්න තීරණය කළා ආණ්ඩුවට වී ගන්න. මෑත කාලයේ තිබුණ වැඩිම මුදල.
හැබැයි ආණ්ඩුවම වී ගන්න ඕන නෑ. ආණ්ඩුව යම් කිසි ප්රමාණයක් ගන්නවා. අපි දන්න අපිට පාලනය කළ හැකි වී තොග අපි රැස් කරන්න ඕන. ක්රම කීපයක් තියනවා. අපේ ගබඩා තියනවා. අපේ ගබඩා අප දෙනවා වී තොග රැස් කරන්න. එතකොට අප දන්න අපේ පාලනයට යටත් වී තොග.
බැංකුවෙන් ලොන් එකක් දෙනව අඩු පොලියට වී ගන්න. එතකොට ඒ වී තොගය අපි දන්න අපේ සැලැස්මට ගේන්න පුලුවන් වී තොග. එතකොට වී තොග වර්ග දෙකක් තියනවා. එකක් මෝල් හිමියන් ලඟ තියනවා තොග. අපි දන්න… ඒ අයගේ සැලැස්මට නිකුත් කරන.
තව එකක් තියනවා අපි ගාව තියනවා. අපි දන්න තොග තියනවා. අපේ සැලැස්මකට නිකුත් කරනවා. අන්න ඒ යාන්ත්රණය හැදුවොත් මේ අර්බුදයෙන් මිදෙන්න පුලුවන්.
ඒ නිසා තව පොඩි දවස් කීපයක් දෙන්නම්. මේ සහල් මිල මේ තියපු උපරිම සිල්ලර මිලෙන් එහා විකුණන්න දෙන්නෙ නෑ. මම එදත් කිව්වා. අපි ලඟ මේක පාලනය කිරීම සඳහා ආම් එකක් නැතිව මේක එක්ක හැප්පෙන්න යන්න බෑ. අපි අපි ගාව මේකට මුහුණ දෙන්න පුලුවන් ආම් හදාගෙන අපි හැප්පෙනවා.
මම අද කියන්නම්. ඒ මෝල් හිමියො තේරුම් ගන්න. ඒ කියන සැලැස්මට ඒගොල්ල ආවේ නැතිනම් හමුදා භාරයට මෝල ගන්නවා. අරගෙන ඒ අයගේ මැනේජර් ඉන්නේ. ඒ ගොල්ලන්ගේ සේවකයො කොටන්නේ. හැබැයි හමුදා භාරයේ තියෙන්නේ. නිකුත් කරන හාල් ප්රමාණය හමුදාවට වාර්තා කරන්න ඕන. කඩේට යනකම් හමුදා නිලධාරියෙක් යනවා. ගිහින් කඩේට කීයටද දැම්මේ කියලා වාර්තා කරන්න ඕන. බලමු හැප්පිලා.
මේ මහ කන්නයේ මේක කරනවා. සැලැස්මක් එක්ක මෝල් හිමියන් මේකේ කූඨ ව්යාපාර කරනවා කියලා හෙළි වුනොත් අපි ඒක කරනවා. අද ඒගොල්ලන්ට කියන්නෙ. මේ සහතික මිලට සරිලන මිලකට වී ගන්න.
මාධ්ය – ප්රජාතන්ත්රවාදී නෑ වගේ පේනවනේ.
ජනපති – මේ රටේ බතත් එක්ක ප්රජාතන්ත්රවාදය කතා කරලා වැඩක් නෑනේ. මේක ඉතාම සාමකාමීනේ. අපි උපරිම සිල්ලර මිලක් දීල තායනවා. වී වලට සහතික මිලක් අපි ලබා දෙනවා. ඒ වීවල සහතික මිල අපි දෙන්නේ ඒ ගානට අරන් මේ මිලට සහල් දෙන්න පුලුවන් කියන සාධක මැනලා. ඔක්කොම මැනලා. ගෝනියෙ මිල, ලයිට් බිල පොලී අනුපාතික, සේවක පඩිනඩි… ඒ ඔක්කොම දාලා තමයි අපි සහල්වලට සහතික මිල දීලා තියෙන්නෙ. ඒ සහතික මිලට හාල් දෙන්න නම් වී මේ මිලට ගන්න ඕන.
මේ දෙක අතර අපි එකඟතාවයක් ඇවිත් තියනවා. ඒ ගොල්ල මේ වංචාව කරන්නේ ජාතික දේපලක් එක්ක. මේ ප්රශ්නය මේ කන්නයෙ දි විසඳනවා.
