තංගල්ල, සීනිමෝදර සහ ගොඩවැල්ලෙන් සොයා ගත් මත්ද්රව්ය තොගය මෙරටට ගෙනා බව හඳුනාගත් යාත්රාවක් සමග සැකකරුවෙක් ආරක්ෂක අංශ භාරයට ගෙන තිබේ.
නාවික හමුදාව සහ පොලිස් මත්ද්රව්ය නාශක කාර්යාංශය විසින් මෙම මෙහෙයුම සිදුකර තිබිණි. ඒ දෙවුන්දර මුහුදේදීය.
රුපියල් බිලියන 10ක් පමණ වටිනා මත්ද්රව්ය තොගයක් පසුගිය 22 දා තංගල්ල, සීනිමෝදර සහ ගොඩවැල්ල ප්රදේශවලින් සොයාගෙන තිබිණි. එහි හෙරොහින් සහ අයිස් මත්ද්රව්ය කිලෝ ග්රෑම් 705යි ග්රෑම් 170ක් තිබිණි. ඒ හොරොයින් කිලෝ කිලෝග්රෑම් 210යි ග්රෑම් 410ක් සහ අයිස් මත්ද්රව්ය කිලෝ ග්රෑම් 494යි ග්රෑම් 760ක් වශයෙනි.
මෙම මත්ද්රව්ය සොයා ගනු ලැබුවේ තංගල්ල සීනිමෝදර ප්රදේශයේ නිවසක පුද්ගලයින් දෙදෙනෙකු මිය ගොස් සිටිය දී සොයා ගැනීමත් සමගය. ඔවුන් සමග සිටි තවත් අයෙක් රෝහල්ගත කිරීමෙන් අනතුරුව මිය ගොස් තිබිණි.
පොලිසිය කළ විමර්ශනවලට අනුව මෙම මත්ද්රව්ය තොගය දැනට ඩුබායි රාජ්යයේ සිටින උනාකූරුවේ ශාන්ත නැමති සංවිධානාත්මක මත්ද්රව්ය ජාවාරම්කරුට අයත් බවට තොරතුරු ලැබී ඇත.
ඉරාණයේ හෝ ඇෆ්ගනිස්ථානයේ සිට මුහුදෙන් මෙම මත්ද්රව්ය තොගය දකුණු වෙරළට ගෙනැවිත් එතැනින් මේ මත්ද්රව්ය තොගය බෙදා හැරීම සිදුවීමට සැලසුම් කර තිබූ බව විමර්ශන කණ්ඩායම්වල අදහස වී තිබේ.
සැකකරුවන් 06 දෙනෙක් මේ වනවිට සිද්ධිය සම්බන්ධව අත් අඩංගුවට ගෙන ඇත.
