ගෝඨාභය රාපක්ෂ රජය අත්තනෝමතිකව නවතා දමන ලද මාලඹේ කොළඹ සැහැල්ලු දුම්රිය (LRT) ව්යාපෘතිය ඇතුළු වයාපෘති යළි ආරම්භ කිරීම පිළිබඳව ජපාන රජය උනන්දුවෙන් පසුවන බව මෙරට සංචාරයක් සඳහා පැමිණි ජපාන විදේශ ඇමතිනි යෝකෝ කමිකාවා ඊයේ සඳහන් කළ බව ජනාධිපති මාධ්ය අංශය සඳහන් කරයි.
ඇය මේ බව පවසා ඇත්තේ ඊයේ (04) පස්වරුවේ ජනාධිපති ලේකම් කාර්යාලයේදී ජනාධිපති රනිල් වික්රමසිංහ හමුවූ අවස්ථාවේදීය.
ශ්රී ලංකාව ආර්ථික අර්බුදයෙන් මුදවා ගනිමින් රටේ ආර්ථිකය ස්ථාවර කිරීමට
ජනාධිපති රනිල් වික්රමසිංහ ගෙන යන වැඩපිළිවෙළ මෙන්ම ඒ වෙනුවෙන් සිදුකරන ආර්ථික ප්රතිසංස්කරණ ක්රියාවලිය ජපාන විදේශ ඇමතිනි යෝකෝ කමිකාවාගේ ඇගයීමට ලක් විය.
කටුනායක බණ්ඩාරනායක ජාත්යන්තර ගුවන්තොටුපොළ (BIA) පුළුල් කිරීමේ ව්යාපෘතිය ද යළි සක්රීය කිරීමට බලාපොරොත්තු වන බව ඇය පවසා ඇත. ශ්රී ලංකාවේ ණය ප්රතිව්යුහගත කිරීම සම්බන්ධයෙන් වන අවබෝධතා ගිවිසුම කඩිනමින් අත්සන් තැබීම පිළිබඳව ද මෙහිදී සාකච්ඡා කෙරිණි.
කාන්තා අයිතිවාසිකම් සහ ස්ත්රී පුරුෂ සමානාත්මතාවය වෙනුවෙන් දැඩි ලෙස
පෙනී සිටින ජපාන විදේශ ඇමතිවරිය ශ්රී ලංකාවේ ඊට අදාළව නව නීති සම්පාදනය කරමින් මේ සම්බන්ධයෙන් ශ්රී ලංකා ජනාධිපතිවරයා ගෙන ඇති සාධනීය පියවර ඇගයීමට ලක් කළාය.
ශ්රී ලංකාව සහ ජපානය අතර පවතින ඓතිහාසික සබඳතාව මෙහිදී සිහිපත් කළ ජනාධිපති රනිල් වික්රමසිංහ දෙරටට ම ප්රතිලාභ සැලසෙන අයුරින් දෙරට අතර සහයෝගීතාව ශක්තිමත් කර ගැනීම තම අරමුණ බවද පැවසීය. පසුගිය ආර්ථික අර්බුදය හමුවේ ජපානය ශ්රී ලංකාව වෙනුවෙන් ලබා දුන් සහාය පිළිබඳව සිය ස්තූතිය පිරිනැමීමටද ජනාධිපතිවරයා මෙය අවස්ථාවක් කර ගත්තේය.
විදේශ කටයුතු අමාත්ය ජනාධිපති නීතිඥ අලි සබ්රි, ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක, ජනාධිපති ලේකම් සමන් ඒකනායක, විදේශ කටයුතු අමාත්යාංශයේ ලේකම් අරුණි විජේවර්ධන, ආර්ථික කටයුතු පිළිබඳ ජනාධිපති ජ්යෙෂ්ඨ උපදේශක ආචාර්ය ආර්. එච්. එස්. සමරතුංග, ජාත්යන්තර කටයුතු පිළිබඳ ජනාධිපති අධ්යක්ෂ දිනුක් කොළඹගේ ඇතුළු පිරිස මෙම අවස්ථාවට එක්ව සිටියහ.