මාතර ගන්දර ප්රදේශයේ සිදුවූ රිය අනතුරින් තුවාල ලැබූ සංඛ්යාව මේ වනවිට 61 දක්වා ඉහළ ගොස් තිබේ. අනතුරින් විදෙස් ජාතිකයෙක් සහ කුඩා ළමුන් දෙදෙනෙක් ද තුවාල ලබා රෝහල් ගත කර ඇත.
මාතර – තංගල්ල ප්රධාන මාර්ගයේ ගන්දර තලල්ල ප්රදේශයේදී මෙම අනතුර සිදුව ඇත්තේ ඇඹිලිපිටිය සිට මාතර දක්වා සහ මාතර සිට තංගල්ල දක්වා ධාවනය වූ බස් රථ දෙකක් මුහුණට මුහුණ ගැටීමෙනි.
අනතුර සම්බන්ධව විමර්ශන කටයුතු සිදුකරමින් පවතින බවත් අනතුරින් පසු අවහිර වූ මාර්ගය මේ වන විට යථා තත්ත්වයට පත් කළ බවත් පොලිසිය පවසයි.
වැසි සහිත කාලගුණයක් පැවැති අවස්ථාවේදී මෙම බස් රථ දෙක අධික වේගයෙන් ගමන් කර ඇති බවට මේ වනවිට තොරතුරු වාර්තා වී ඇති බවත් මේ සම්බන්ධව ඉදිරි විමර්ශන කටයුතු සිදුකරමින් පවතින බවත් පොලිසිය වැඩි දුරටත් පවසයි.
