කිලෝමීටර තුනක් දුරක් ඇතුළත දරුවෙකුට අධ්යාපනය ලැබිය හැකි පහසුකම් සහිත හොඳම පාසලක් සකස් කිරීමේ රජයේ ප්රතිපත්තිය ක්රියාත්මක කිරීමේ දී එය අලුතින්ම ආරම්භ කිරීමේ අදහසක් නැති බවත්, පසුගිය වකවානුවේ දියත් වූ ලඟම පාසල හොඳම පාසල ව්යපෘතිය යටතේ ආරම්භ කර අත්හැර දැමූ වැඩ කොටස් පූර්ණ කරමින් එය පුළුල් කිරීම බවත් අධ්යාපන ඇමතිනී අග්රාමත්ය හරිනි අමරසූරිය අද පාර්ලිමේන්තුවේ දී පැවසුවාය.
ඇය මේ බව පැවසුවේ විපක්ෂ මන්ත්රී අජිත් පී. පෙරේරා විසින් යොමුකළ ප්රශ්නයකට පිළිතුරු ලබා දෙමිනි.
ලඟම පාසල හොඳම පාසල ව්යාපෘතිය යටතේ ආරම්භ කළ වැඩසටහනේ දී අඩක් නිමකළ ගොඩනැගිලි, සකස් කර ප්රධාන සැලසුම් සහිත ව්යාපෘති, ද්විතියික සහ ප්රාථමික අධ්යාපනය සඳහා වූ සැලසුම් පිළිබඳව පූර්ණ සමාලෝචනයකින් අනතුරුව ඉදිරි වැඩපිළිවෙළ අයවැයෙන් පසු හැකි ඉක්මනින් ක්රියාත්මක කිරීමට කටයුතු කරන බවත් ඇමතිනිය පැවසුවාය.
