දිනසේන රතුගමගේ –
යාපනයේ කොකුවිල් ප්රදේශයේ වෙළඳ සැලකට කඩා වැදුණු මැරයින් දෙදෙනෙකු කඩුවලින් එම වෙළඳසැලේ හිමිකරුට එල්ල කළ ප්රහාරයක් සීසීටීවී දර්ශනවල පටිගත වී තිබේ.
ඊයේ (04) දිනයේ එල්ල වූ මෙම ප්රහාරයෙන් ව්යාපාරිකයාගේ අතට බරපතල තුවාල සිදුවී ඇති අතර වෙළද සැල් හිමියා යාපනය ශීක්ෂණ රෝහලට ඇතුළත් කිරීමෙන් පසු සිදු කළ සැත්කමකදී ඔහුගේ අතේ ඇගිල්ලක් ඉවත් කොට ඇත.
කඩු ප්රහාරය සඳහා යතුරු පැදියකින් පැමිණි මැරයින් දෙදෙනා ප්රහාරයෙන් පසුව පලා ගොස් තිබේ.
මෙම ප්රහාරය එල්ල කළ අන්දම හා ඔවුන් පලා ගිය ආකාරය වෙලඳසැලේ සී.සී.ටීවී. කැමරා පද්ධතියක සටහන්ව තිබී ඇති අතර කොකුවිල් පොලීසිය ඉදිරි පරීක්ෂණ කටයුතු සඳහා එම දර්ශන ලබා ගෙන ඇත. ප්රහාරය එල්ල කරන එක් මැරයෙක් ඉතාම පැහැදිලිව හඳුනාගත හැකිව ඇත. එහෙත් පොලිසිය පවසන්නේ ප්රහාරය එල්ල කිරීමට පැමිණි පිරිස පිළිබඳව කිසිම හොඩුවාවක් නොමැති බවය.
කොකුවිල් පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
