දිනසේන රතුගමගේ –
-
පූජනීය භූමියක පූජනීයත්වයට තර්ජනයක්වන කිසිම ව්යාපෘතියක් දියත් නොකළ යුතුයි… රදගුරුතුමෝ කියති…
කච්චතීව් දූපත ශ්රී ලංකාවේ සංචාරක ගමනාන්තයක් බවට පත් කිරීමේ රජයේ යෝජනාවට යාපනය රදගුරු පදවිය 3 දා සිය අකැමැත්ත පලකොට තිබේ.
යාපනය රදගුරු පදවියේ ප්රධාන පූජක ජෝෂප්දාස් ජෙබරත්නම් පියතුමා මේ පිළිබදව යාපනයේ තිරුවල්ලුවර් සංස්කෘතික මධ්යස්ථානයේ පැවති මාධ්ය හමුවකදී අදහස් පලකොට තිබේ.
කච්චතිව් පූජනීය ස්ථානයක් ලෙස පවත්වාගෙන යනු ලබන බැවින්, එයට බලපාන කිසිදු නව පියවරක් නොගත යුතු බව අවධාරණය කරණ පියතුමන් මේ සම්බන්ධයෙන් ජනාධිපතිවරයා යාපනය රදගුරු පදවිය සමඟ සාකච්ඡා කරනු ඇතැයි තමන් අපේක්ෂා කරන බව ද ප්රකාශ කොට තිබේ.
මෑතකදී තමිල්නාඩු දේශපාලනඥයින් “කච්චතිව් ඉන්දියාවට අයත් බවත් එය නැවත ලබා ගත යුතු බවත්” පවසමින් ප්රචාරක කටයුතුවල නිරත වෙමින් සිටින වකවානුවක මෙම දූපත ශ්රී ලංකාවට අයත් බවත් කිසිවෙකුට එයට හිමිකම් කිව නොහැකි බවත් පියතුමා සඳහන් කරයි.
