නැගෙහිර ඕස්ට්‍රේලියාවේ පැතිරී යන වීශාල මී උවදුරක් හේතුවෙන් එරට ජන ජීවිතට විශාල බලපෑම් එල්ල කර තිබේ.
ඒ අනුව දහස් ගණන්වූ මීයන් නැගෙනහිර ඕස්ට්‍රේලියාවේ ඵලදාවන් ගබඩා කර ඇති ස්ථාන බොහොමයක් මේවන විටත් විනාශකර දමා තිබේ.
මීට මාස කීපයකට පෙර ආරම්භ වූ මෙම මී උවදුර හේතුවෙන් ඵලදාව මෙන්ම ගොවි බිම්වල ඇති යන්ත්‍ර සහ උපකරණද මීයන් විනාශ කර ඇති බවට එරට ගොවියන් විසින් චෝදනා කරනු ලබයි.
මේ අතර මීයන්ගේ සපාකෑමට ලක්වූ විශාල පිරිසක් මේවන විට රෝහල්ගත කර ඇති බවට ඕස්ටේ්‍රලියානු මාධ්‍ය වර්තා කර තිබේ.
වසර කීපයක පසු නැගෙනහිර ඕස්ට්‍රේලියාවේ ගොවීන් ඉකුත් වසරේදී වඩා සාර්ථක ඵලදාවක් ලබා ගැනීමට හැකියාව ලැබිනි.
එහෙත් ඇතිව තිබෙන මී උවදුර හේතුවෙන් එම ඵලදාවෙන් විශාල ප්‍රමාණක් විනාශ වී යාමේ අවදානමක් මතු වී ඇති බව එරට ගෙවීන් විසින් පෙන්වා දෙනු ලබයි.
පසුගිය කාලයේදී ඕස්ටේ්‍රලියාවේ ඇති වූ නියං කාලය සහ ලැව් ගිනි හේතුවෙන් මීයන් ගහනය පාලනය කරන විලෝපිකයින්ගේ සංඛ්‍යාව අඩුවීම මීට ප්‍රධාන සාධයක් වී ඇති බවට විශේසඥයින් අනුමාන කරයි.
ඕස්ට්‍රේලියානු ජාතික විද්‍යා ඒජනසිය පර්යේෂණ නිලධාරියෙකු වන ස්ටීව් හෙන්රි පවසන්නේ ඇති තිබෙන තත්ත්වය දැඩි අවදානම් සහගත බවයි.
“සාමාන්‍යයෙන් මෙවැනි අති විශාල මී උවදුර වැඩි කාලයක් පවතින්නේ නැහැ. බොහො වෙලාවට මේ වගේ මීයන් විශාල ප්‍රමාණයට ලොකු කාලයක් පැවතීමට හැකිවෙන්නේ නැහැ. ආහාර හිඟය සහ විවිධ රෝග වලින් ඇති වෙන බලපෑම් හේතුවෙන් ස්භාවිකවම මීයන් පාලනය වීමක් සිදුවෙනවා. ඒත් මේ අවස්ථාවේදී අපිට එහෙම පාලනයක් සිදුවෙන ආකාරයක් පෙනෙන්නට නැහැ.” යනුවෙන් ඔහු වැඩිදුරටත් පෙන්වා දී තිබේ.
මී උවදුර පාලනය කිරීමට එරට රජය විසින් වස යොදා ගැනීමට තීරණය කර තිබේ. ඒ සඳහා අවශ්‍ය මූල්‍ය ප්‍රතිපාදන ලබාදීමටද තීරණය කර ඇති බවටද වාර්තාවේ.
එහෙත් මේ හේතුවෙන් විශාල පරිසර හානියක් ඇති වීමටද ඉඩ පවතින බව විශේසඥයින් පෙන්වා දෙයි.
ඔවුන් ප්‍රකාශ කරන ආකාරයට විස පරිසරයට එක්වීමෙන් අනෙකුත් සත්ව විශේෂද විනාශ වීයාමේ අවදානම් නිර්මාණය වීමට ඉඩ තිබේ. එසේම මෙම වස පසුකාලීනය මිනිසුන්ටද බලපෑම් කිරීමට ඉඩ ඇති බවද ඔවුන් සඳහන් කරයි.
ගෘහස්ථ මීයන් ඕස්ට්‍රේලියාවට පැමිණීම සිදුවන්නේ බ්‍රිතාන්‍යය ජාතිකයින් ඕස්ට්‍රේලියාවට පැමිණීමත් සමගයි. අතීතයේද මෙවැනිම මී උවදුරු කීපයක්ම ඕස්ට්‍රේලියාවෙන් වාර්තාවී තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මීට පෙර ඕස්ට්‍රේලියාවට අමතරව චීනයේද මේවැනිම මී උවදුරු කීපයක්ම වාර්තාවී ඇත.
