ශ්රියානි විජේසිංහ –
ස්ථීර උපකුලපතිවරයෙක් නොමැති වීම හේතුවෙන් රජරට විශ්ව විද්යාලය තුළ බරපතල ගැටලු ගණනාවක් මතුව ඇති බව විශ්ව විද්යාල ආචාර්යවරුන්ගේ සමිති සම්මේලනයේ සභාපති මහාචාර්ය ප්රගීත් රෝෂන් වීරතුංග සඳහන් කරයි.
වසර 46ට පසුව පැමිණෙන විශ්ව විද්යාල ජාතික ක්රීඩා උත්සවයලබන සැප්තැම්බර් මාසය පුරාවටම රජරට විශ්ව විද්යාලයේ පැවැත්වීමට කටයුතු යොදා ඇති අතර රාජ්ය විශ්ව විද්යාල 17 නියෝජනය කරමින් පැමිණෙන සිසුන්ට අවශ්ය යටිතල පහසුකම් සැලසීමට පාලනඅධිකාරිය මේ වන තෙක්ම අපොහොසත් වී ඇති බව මහාචාර්යවරයා පෙන්වාදේ.
විශ්ව විද්යාලය තුළ අධ්යාපනය ලබන දරුවන්ගේ ජල ප්රශ්නය, ආහාර ප්රශ්නය,නොවාසිකාගාර අන්තර්ජලා ප්රශ්නය විසඳීමට පාලන අධිකාරිය අසමත් වී ඇති පසුබිමක අනෙකුත් රාජ්ය විශ්ව විද්යාලවලින් පැමිණෙන සිසුන්ට අවශ්ය පහසුකම් ලබා දෙන්නේ කෙසේද යන්න ගැටලුවක් වී ඇති බවද මහාචාර්යවරයා විමසයි.
විශ්ව විද්යාල යටිතල පහසුකම් සැපයීමට මහාභාණ්ඩාගාරයෙන් රුපියල් මිලියන 750ක පමණ මුදලක් ලබා දී ඇති බවට තොරතුරු හෙලිව තිබුණද එම මුදල් වැයකරමින් විශ්ව විද්යාල තුළ යටිතල පහසුකම් සලසා දීමට කටයුතු නොකිරීම බරපතල ප්රශ්නයක් යැයිද හෙතෙම පවසා සිටියි.
කෙසේ නමුත් උපකුලපතිවරයෙක් පත්කීරීමට තිබු සම්මුඛ පරික්ෂණයේදී නම් තුනක් තෝරා විශ්ව විද්යල ප්රතිපාදන කොමිෂන් සභාවට යවා ඇති නමුත් මේ වන තෙක් එයින් එක් පුද්ගලයෙක් හෝ තෝරා එවීමට විශ්ව විද්යාල ප්රතිපාදන කොමිෂන් සභාව මෙතෙක් කටයුතු කර නැත. මේ සඳහා ආචාර්යවරුන්ගේ සමිති සම්මේලනය ඉදිරියේදී බලපෑම් කිරීමට බලාපොරොත්තු වන බව මහාචාර්යවරයා පවසා සිටියි.
