දිනසේන රතුගමගේ –
නාවික හමුදාව විසින් කිළිනොච්චියේ ඉරණතීව් මුහුදේදී අත් අඩංගුවට ගැනීමෙන් පසුව කිළිනොච්චිය අධිකරණයට 5 දා ඉදිරිපත් කළ ඉන්දීය ධීවරයින් 34 දෙනාගෙන් 19 දෙනෙකුට පමණක් රුපියල් පනස් දහස බැගින් දඩ ගෙවන ලෙස කිළිනොච්චිය මහේස්ත්රාත්වරයා නියෝග කළේය.
එම දඩ මුදල නොගෙවන්නේ නම් තවත් මාස තුනක කාලයකට සරල වැඩ සහිතව සිර දඩුවම දීර්ග කෙරෙන බවද විනිසුරුවරයාගේ නියෝගයේ සඳහන් කොට තිබුණි.
ඉතිරි ධීවරයින් 15 දෙනාගෙන් බෝට්ටුකරුවන් තුන් දෙනෙකුට රුපියල් ලක්ෂ 60 ක දඩයක් නියම කළ අතර එම දඩය නොගෙවන්නේ නම් මාස හයකින් සිර දඩුවම දීර්ග වන බවද අධිකරණ නියෝගයේ සඳහන් වෙයි.
අනෙක් ධීවරයින් 12 දෙනා සම්බන්ධයෙන් ත්වදුරටත් කරුණු විමසීමට අවශ්ය නිසා ඔවුන් සම්බන්ධයෙන් මේ මස 10 වෙනිදා තෙක් අදාල නඩුව කල් දැමීමට තීන්දු කළ මහේස්ත්රාත්වරයා දඩ නියම වූ ඉන්දීය ධීවරයින් අදාල දඩය ගෙවා හමාර වීමෙන් පසුව ආපසු ඉන්දියාවට යැවීමට පියවර ගන්නා ලෙස ධීවර පරීක්ෂක නිලධාරීන්ට නියෝග කළේය.
ඉන්දියාවේ සිට කිළිනොච්චි මුහුදු සීමාවට නීති විරෝධී ලෙස පැමිණි මේ ධීවරයින් පිරිස නාවික හමුදාව විසින් යාත්රා තුනක්ද සමග අත් අඩංගුවට ගෙන තිබුණේ මේ වසරේ ජනවාරී මස 26 වෙනිදා අලුයම් කාලයේදීය.
