කොවිඩ් වසංගතය රට වසාගෙන පැතිරෙත්ම ඉන්දියානුවන් ස්වකීය ශුද්ධ වූ ගංගාවන් ලෙස සලකන ගංගා හා යමුනා නදීන්හි කොවිඩ් ආසාදිතව මිය ගිය පුද්ගලයන්ගේ මල සිරුරු පාවෙමින් ඇති ආකාරය ඉන්දීය මාධ්‍ය වාර්තා කර තිබුණේය.
ඔවුන් වාර්තා කළේ අද උදෑසන වනවිට යමුනා සහ ගංගා නදීන්හි ඒ අසල පිහිටි ගම්මානවල කොවිඩ් වසංගතයෙන් මිය ගිය පුද්ගල සිරුරු සියයකට අධික ගණනක් පාවෙමින් තිබූ බවය.
පසුගිය දින කිහිපය තුළ ඉන්දියාවේ දෛනික කොවිඩ් මරණ සංඛ්‍යාව හාරදහස ඉක්මවා යෑමත් සමග ආදාහනය කිරීමට ඇති අපහසුව නිසා සිරුරු මෙසේ ගංගාවල පා කර යැවීමට ගම්වැසියන් කටයුතු කර ඇතැයි විශ්වාස කරන බව මේ පිළිබඳ අදහස් දක්වමින් බිහාර් සහ උත්තර් ප්‍රදේශ් බලධාරීහු මාධ්‍ය වෙත කියා තිබුණහ.
“ හැම පැයකටම සැරයක් මල සිරුරු දෙකක් තුනක් ගංගාවල පාවෙමින් තියෙනවා.“ ඇසින් දුටුවෝ කියා තිබුනහ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මේ අතර ගංඟා ඉවුරු ආශ්‍රිතව රැඳී තිබෙන සහ පාවෙමින් ඇති මළ සිරුරක් ඉවත් කරන අයෙකුට එක් මළ සිරුරක් සඳහා ඉන්දියානු රුපියල් 500 බැගින් ගෙවීමට බිහාර් ප්‍රාන්ත බලධාරීන්හු අද තීරණය කළහ.
