ශ්‍රියානි විජේසිංහ –
අනුරාධපුර මහ රෝහලේ MRI ස්කෑන් යන්ත්‍රය අක්‍රීය වීම හේතුවෙන් පිළිකා රෝගීන්‌ගේ සහ ස්නායුරෝගීන්ගේ සැත්කම් සිදුකර ගැනීමට නොහැකි වී මෙන් ඔවුන්ගේ ජීවිත දැඩි අවදානමකට ලක්ව ඇතැයි රජයේ විකිරණ විද්‍යා තාක්ෂණවේදීන්ගේ සංගමය සඳහන් කරයි.
පසුගිය ජනවරි මාසය තුල මෙම යන්ත්‍රය බිඳවැටී ඇති අතර එම බිඳවැටෙන මොහොත වන විට ලබන අප්‍රේල් 25 වන දින වනතෙක් පොරොත්තු ලේඛණය පිරි තිබුණු බව සංගමයේ ලේකම් චානක ධර්මවික්‍රම සඳහන් කළේය.
යන්ත්‍රය බිඳවැටුණ දිනයේ සිට එනම් ජනවාරි මාසයේ සිට පොරොත්තු ලේඛණයට අලුතින් රෝගීන් ලියාපදිංචි කර නොමැති බවද හෙතෙම පැවසුවේය.
අනුරාධපුර රෝහල හැරුණු කොට MRI යන්ත්‍රයක් පවතිනුයේ යාපනය ශික්ෂණ රෝහල තුළ පමණක් බැවින් රෝගීන් මහත් අසීරුතාවකට පත්ව ඇතැයිද වාර්තාවේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
අදාළ සමාගමට සෞඛ්‍ය අමාත්‍යංශය කිසිදු මුදල් ගෙවීමට නොමැති නමුත් සමාගම යන්ත්‍රය අලුත්වැඩියා කිරිම දිනෙන් දින කල් අරින බවත් මේ පිලිබඳව සෞඛ්‍ය අමාත්‍යංශය කිසිදු සොයාබැලීමක් සිදු නොකරන බවත් සංගමය චෝදනා කරයි.