අද (17) මධ්යම රාත්රියේ සිට සියලුම පාරිභෝගිකයින් සඳහා වන විදුලි ගාස්තු සියයට 20 කින් අඩු කිරීමට මහජන උපයෝගිතා කොමිසම තීරණය කර තිබේ.
එහිදී 0-30ත් අතර පැවැති ගෘහස්ථ කාණ්ඩය යටතේ පැවැති ඒකක ගාස්තුව රුපියල් 6 සිට 4 දක්වාත් 31-60ත් අතර පැවැති ඒකක ගාස්තුව රුපියල් 9 සිට 6ක් දක්වාත් අඩු කිරීමට පියවර ගෙන තිබේ.
මෙම විදුලි ගාස්තු සශෝධනයට අනුව ගෘහස්ත අංශය සදහා සියයට 20 කින් විදුලි ගාස්තු අඩු වන අතර ආගමික සිද්ධස්ථාන හා පුණ්යාතන සදහා සියයට 21%කින් විදුලි ගාස්තු අඩු කර තිබේ.
හෝටල් සදහා 31%කින් ද කර්මාන්ත කාණ්ඩය සදහා 30%කින්ද විදුලි ගාස්තු අඩු කර ඇති අතර පොදුකාර්ය කාණ්ඩය සදහා විදුලි ගාස්තු 12%කින් අඩුකර ඇත.
රාජ්ය ආයතන සදහා 11%කින්ද වීථි ලාම්පු සදහා 11% කින්ද ගාස්තු අඩු කිරීමටද පියවර ගෙන තිබේ.
පසුගිය වකවානුව පුරාම විදුලි බිල අඩුකිරීමට විදුලි බල මණ්ඩලය විරෝධය පල කළේය. මේ තත්ත්වය මත මහජන උපයෝගීතා කොමිසම ප්රකාශ කළේ විදුලි බිල අඩු නොකිරීමට විදුලිබල මණ්ඩලය කටයුතු කරන්නේ නම් තමන් මැදිහත් වී එම අඩුකිරීම සිදුකරන බවය.
මේ සම්බන්ධව පාර්ලිමේන්තුවේ දී ද ප්රශ්න කෙරිනි. ඊට පිළිතුරු දෙමින් විදුලි බල හා බලශක්ති ඇමති කුමාර ජයකොඩි පසුගිය 09 වැනිදා පාර්ලිමේන්තුවට දන්වා සිටියේ
රජය විසින් විදුලි බිල අඩුකිරීම සිදුකරන්නේ වසර 03ක කාලයක් තුළ බවය. රාජ්ය භාණ්ඩාගරය බිලියන 167ක විදුලි බල මණ්ඩලයේ ණය අවශෝෂණය කරගෙන නැති පසුබිමක පවතින ණයත් කළමනාකරණය කරගෙන විදුලි බිල අඩුකිරීම කළ නොහැකි බව ඇමතිවරයා පැවසුවේය.
