ශ්රීලනිප පාර්ශ්වය, විමල් වීරවංශ පාර්ශ්වය, අනුර ප්රියදර්ශන යාපා පාර්ශවය සහ සමගි ජනබලවේගයේ සාකච්ඡාව පැජට් පාරේ මෛත්රීපාල සිරිසේනගේ නිවසේ පැවති අතර ඉන් අනතුරුව ආණ්ඩුවෙන් වෙන් වී ස්වාධීන වූ කණ්ඩායම අද සවස හතට ජනාධිපතිවරයාව හමුවීමට නියමිතව ඇත.
19 වැනි ව්යවස්ථාව බලාත්මක කිරීම සඳහා 21 වැනි ව්යවස්ථා සංශෝධනයක් ගෙන එන්නේ නම් පමණක් අන්තර්වාර පාලනයකට සහය පල කරන යෝජනාව ද සහිතව සජිත් ප්රේමදාස සාකච්ඡාවට එක් වී සීටී.
සජිත් ප්රේමදාසගේ ප්රධානත්වයෙන් සමගි ජනබලවේගයේ අද පැවති රැස්වීමේ දී මෙම තීන්දුව ගෙන තිබිණි.
එම රැස්වීම සවස 4.30 ආරම්භ විය. අනතුරුව පක්ෂ නායකයින් විශේෂ සාකච්ඡාවක් සඳහා අද සවස 07ට ජනාධිපතිවරයා හමුවීමට නියමිතව ඇත.
මේ අතර පවතින විධායක ජනාධිපති ක්රමය වහාම අහෝසි කිරීම සඳහා යෝජනා කෙරෙන නීති කෙටුම්පතක් කඩිනමින් සම්පාදනය කිරීමට අද සජබ පක්ෂ හමුවේ දී තීරණය වී ඇත.
ඒ සමගම රජයට එරෙහි විශ්වාසභංග යෝජනාවට අත්සන් කිරීම ද මෙම රැස්වීමේ දී ආරම්භ කර තිබේ.
