2019 පාස්කු ඉරිදා ත්රස්ත ප්රහාර සම්බන්ධයෙන් සිදුවෙමින් පවතින පරීක්ෂණවලට අදාළව ත්රස්තවාදය වැළැක්වීමේ පනත (PTA) යටතේ තමා අත්අඩංගුවට ගැනීම වැළැක්වීමේ නියෝගයක් ඉල්ලා හිටපු ජනාධිපති ගෝඨාභය රාජපක්ෂ අභියාචනාධිකරණයට පෙත්සමක් ගොනු කර තිබේ.
නීතිඥ සනත් විජේවර්ධන හරහා මෙම පෙත්සම ගොනු කර ඇති අතර පොලිස්පති (IGP), අපරාධ පරීක්ෂණ දෙපාර්තමේන්තුවේ (CID) අධ්යක්ෂ ශානි අබේසේකර සහ CID හි විශේෂ විමර්ශන ඒකකයේ භාර නිලධාරී මාධව ගුණවර්ධන යන අය වගඋත්තරකරුවන් ලෙස නම් කර ඇත.
260 කට අධික පිරිසකගේ ජීවිත බිලිගත් සහ තවත් සිය ගණනක් තුවාල ලැබූ පාස්කු ඉරිදා ප්රහාරයට පෙර කාල සීමාව තුළ විමර්ශකයින් හිටපු ජනාධිපතිවරයාගේ භූමිකාව පිළිබඳව විවිධ වාර්තා පළ වූ අතර ගෝඨාභය රාජපක්ෂ තමන් අතඅඩංගුවට ගැනීම වළකාලීමට අධිකරණ මැදිහත්වීමක් අපේක්ෂා කළේ එවැනි පසුබිමකදීය.
පසුගියදා කොළඹ කොටුව මහේස්ත්රාත් අධිකරණය එම විමර්ශනයට අදාළව හිටපු ජනාධිපතිවරයාට විදේශ ගමන් තහනමක් පැනවූ අතර ඔහු මෙම පියවර ගත්තේ ඊට පසුවය. පාස්කු ඉරිදා ප්රහාර පිළිබඳ වාර්තා කිහිපයක අඩංගු සොයාගැනීම් සහ නිර්දේශ මත පදනම්ව පරීක්ෂණ පවත්වන CID ඉල්ලීමකට අනුව අධිකරණ නියෝගය නිකුත් කරන ලදී.
