ශ්රියානි විජේසිංහ –
ළමුන්ගේ සනීපාරක්ෂක තුවා මිල ඉහළ යාම හේතුවෙන් අපේක්ෂා රෝහලේ ප්රතිකාර ලබන ළමා රෝගීන් දැඩි අපහසුතාවකට පත්ව ඇති බව වාර්තා වන්නේ යැයි ළමා හා වැඩිහිටි සනීපාරක්ෂක තුවා ආනයනකරුවන්ගේ සංගමය සඳහන් කරයි.
දිනකට සනීපාරක්ෂක තුවා 5ක් පමණ අවශ්ය වන බැවින් එම මිල ඔවුන්ට දරා ගැනීමට නොහැකි මිලක් බවට සඳහන් කර ඇතැයිද එම සංගමය පෙන්වාදේ.
මිල ඉහළ ගොස් ඇති බැවින් පාලනය මිලක් යටතේ වෙළඳපොලට සනීපාරක්ෂක තුවා ඉදිරිපත් කරන ලෙස පාරිභෝගික අධිකාරිය ඉල්ලීම් කර ඇති බැවින් බදු සහන ලබා දෙන්නේ නම් එම ඉල්ලීම ඉටුකළ හැකි බව ආනයනකරුවෝ සදහන් කරති.
කාන්තාවන්ගේ සනීපාරක්ෂක තුවාවලට ලබා දුන් බදු සහනයන් ළමා හා වැඩිහිටි සනීපාරක්ෂක තුවාවලටත් ලබා දෙන්නේ නම් මිල අඩුකිරීම කළ හැකි බවද ඔවුහු වැඩිදුරටත් අවධාරණය කරති.
එසේම මිල ඉහළ ගොස් ඇති බැවින් බාලවර්ගයේ ළමා සහ වැඩිහිටි සනීපාරක්ෂක තුවා වෙළදපලට පැමිණිය හැකි බවද ඔවුහු අනතූරු අඟවති.
