ලෝකයේ පැරණිතම විශ්ව විද්යාලවලින් එකක් වන කරාචි විශ්ව විද්යාලයට අප්රේල් 26 වෙනිදා එල්ල වූ මරාගෙන මැරෙන ත්රස්තවාදී ප්රහාරය පාකිස්ථානයේ චීන විරෝධීත්වය පෙන්නුම් කළ සිදුවීමක් ලෙස මාධ්ය වාර්තා කරයි. මෙම ප්රහාරයෙන් චීන ජාතිකයින් ඇතුලු පුද්ගලයින් සිව්දෙනෙකු මියගියහ.
පාකිස්ථානය චීනය වෙත සිය මිත්රත්ත්වයේ දෑත් දිගු කරමින් චයිනා පාකිස්ථාන් ඉකොනොමික් කොරිඩෝ (CPEC) ගොඩ නඟා තිබුණත් ඒ සමඟ එක්ව සිදු කරන ලද ව්යෘපෘතින්වලදී චීන ජාතිකයින්ට සිය ජීවිත අහිමි වූ බවට වාර්තා වී තිබේ. පසුගිය වසරේ වරින් වර එල්ල වූ ප්රහාරවලින් චීන ජාතිකයින් 24 දෙනෙකු මිය ගියහ. පූර්ව (CPEC) යුගයේදී ‘ග්වාඩාර් වරාය හා නාවික මධ්යස්ථාන ඉදිකිරීමේ ව්යාපෘතිවලදී මිය ගිය චීන ජාතිකයින් පිළිබඳ කිසිදු වාර්තාවක් ද නැත.
කරාචි විශ්වවිද්යාලයට එල්ල වූ ප්රහාරය ෂාරි බලොක් නැමැති කාන්තාව විසින් එල්ල කළ අතර ඇය ප්රහාරයට පෙර ‘වී’ සංඥාව පෙන්වමින් සිනාමුසු මුහුණින් යුතු ඡායාරූපයක් සමාජ මාධ්යයට මුදා හැර තිබිණි.පශ්චාත් උපාධියක් හිමි ගුරුවරියක් වන ඇය දරුවන් දෙදෙනෙකුගේ මවක්ද වූ අතර බලුකිස්ථාන් විමුක්ති හමුදාවේ මජීඩ් බලකායට අයත් බව හඳුනාගන තිබේ.
බලුකිස්ථානයේ සටන්කාමීත්වයේ මුහුණුවර රැඩිකල් වෙනසක් කර ඇති බව පාකිස්ථානයේ ගැටුම් අධ්යයන ආයතනයේ ප්රසිද්ධ ආරක්ෂක විශ්ලේෂකයෙකු වන අමීර් හුසේන් පෙන්වා දෙයි. ගෝත්රික තරුණයන් පමණක් නොව නාගරික උගත් බුද්ධිමතුන් ද (CPEC) හි ප්රතිඵලයක් ලෙස චීනයට විරුද්ධව නැඟී සිටින බව ඔහු පෙන්වා දෙයි.
