ලොව විශාල වත්කම් ප්රමාණයකට හිමිකම් කියනු ලබන චීන බැංකු මේවන විට ත්රස්වාදී සංවිධාන සහ මුදල් විශුද්ධිකරණයේ යෙදෙන පුද්ගලයින්ගේ ග්රහණයට පත්ව ඇති බවට අනාවරණය වේ.
ඒ අනුව ලොව පුරා මුදල් විශුද්ධිකරණයේ යෙදෙන පුද්ගයින් සහ ත්රස්තවාදී කණ්ඩායම් සිය අරමුදල් රැස්කිරීම සහ හවුමාරු කිරීමට චීන බැංකු යොදා ගැනීමට පෙළෙඹවී ඇති බවට ජාත්යන්තර මුල්ය විශේසඥයින් පෙන්වාදෙයි.
මෙහිදී ජී7 රටවල් විසින් මුදල් විශුද්ධීකරණය කිරීම වැලැක්වීමට ස්ථාපිත කර ඇති මූල්ය හැසරීම් පිළිබඳ කාර්ය බලකාය විසින් පනවන රෙගුලාසු සහ අදාල රටවල් විසින් අනුගමනය කරනු ලබන රෙගුලාසි වලට පරිභාහිරව චීන බැංකු ක්රියාකරමින් සිටින බවට චෝදනා එල්ලවේ.
මේ අතර පසුගියදා චීන රජයට අයත් විශාතම බැංකුව වන චීන කර්මාන්ත සහ වාණිජ්ය බැංකුවට කැනඩාවේ මුල්ය ගණුදෙනු සහ අධ්යනය මධ්යස්ථානය විසින් ඩොලර් හත්ලක්ෂයක දඩ මුදලක් නියමකර තිබේ.
මෙම දඩ මුදල නියම කර ඇත්තේ අදාල බැංකු විසින් කැඩාවේ මුදල් විශුද්ධිකරන රෙගුලාසිවලට අනුව කටයුතු නොකිරීමට හේතවෙනි.
මෙය හුදෙකලා සිදුවීමක් නොවන අතර 2016 වර්ෂයේදී ඇමරිකාවේ නිව්යෝක් බැංකු නියාමක විසින් චීන කෘෂිකාර්මික බැංකුවට ඇමරිකානු ඩොලර් මිලියන 215ක දඩයක් නියම කෙරිනි.
එහිදී එම බැංකුව විසින් මුදල් විශුද්ධීකරණ රෙගුලාසි උල්ංඝණය කරමින් සැකකටයුතු මුදල් හුවමාරි කිරීමට වෙර දැරීමට මෙම දඩය නියම කිරීමට හේතුවී තිබිණි.
එසේම 2015 වර්ෂයේදී ඉතාලියේ මිලාන් නුවර පිහිටි චීන බැංකුවට එරෙහිව 2007 වර්ෂයේ සිට 2010 කාලය දක්වා මුදල් විශුද්ධීකරණ කටයුතුවලට සම්බන්ධ වීම හේතුවෙන් යුරෝ බිලියන 2 දඩයක් නියම කෙරිණි.
චීන බැංකු සම්බන්ධ වූ මෙවැනි සිදුවීම් රැසක්ම පසුගිය කාලය පුරාවට වාර්තා වූ අතර එහිදී අවස්ථා කිහිපයකදීම එම බැංකුවට එරෙහිව දඩමුදල් නියම කිරීම්ද වාර්තාවිය.
කෙසේ වෙතත් මෙම චීන බැංකු භාවිතා කරමින් පාකිස්ථානයේ ක්රියාත්මක ත්රස්ත සංවිධාන සිය අරමුදල් රැස්කිරීම් සිදුකරන ලබයි. එහිදී මේවන විට ත්රස්ත කටයුතු වලට අදාල මුදල් හුවමාරු වීම් වලට සහයදීම සම්බන්ධයෙන් පාකිස්ථාන බැංකු පද්ධතිය ජාත්යන්තර අවාදනයට යොමු වී ඇති හෙයින් ත්රස්ථ සංවිධාන චීන බැංකු වැඩි වශයෙන් භාවිතා කරන බවටද අනාවරණය වේ.
ඒ අනුව චීන බැංකු වල ක්රියාකාරිත්වය ගෝලීය ආරක්ෂාවටද මේවන විට දැඩි බලපෑමක් එල්ලකරමින් සිටින අතර මෙම තත්ත්වය පාලනය කිරීමට චීන බැංකු පද්ධිතය ක්රියා නොකිරීමට දැඩි අර්බුදකාරී තත්ත්වයක් නිර්මාණය කර තිබේ.
