හම්බන්තොට වරායට ඊයේ (20) විකිරණශීලී ද්රව්ය අඩංගු නැවක් පැමිණ ඇති බවත් මෙම නැව වහාම වරායෙන් ඉවත් කර ගන්නා ලෙස පරමාණුක ශක්ති අධිකාරිය ඉල්ලීමක් කළද ඒ අනුව කටයුතු සිදුව නොමැති බවත් විපක්ෂ නායක සජිත් ප්රේමදාස අද (21) පාර්ලිමේන්තුවේදී අනාවරණය කළේය. මෙම නැව නාවික හමුදාටවත් පරීක්ෂා කිරීමට ඉඩ ලබා දී නොමැති බව පවසන විපක්ෂ නායකවරයා මෙම නැව සම්බන්ධ තත්ත්වය පිළිබඳව ඇත්ත නැත්ත රටට හෙළිකරන මෙන් ඔහු පාර්ලිමේන්තුවෙන් ඉල්ලා සිටියේය.
එහිදි තවදුරටත් අදහස් දැක්වූ විපක්ෂ නායකවරයා සඳහන් කළේ තමන්ට මෙම නැව පිළිබඳව තොරතුර පරාමාණුක ශක්ති අධිකාරියෙන් ලද බවයි. මෙවැනි අනතුරු දායක විකිරණශීලී ද්රව්ය අඩංගු නැව සම්බන්දයෙන් රජය ක්රියාත්මක නොවන්නේ එක්තරා තානාපති කාර්යාලයක බලපෑමටදැයි ප්රශ්න කළ ඔහු එය මෙරට ජනතාවට බරපතල තර්ජනයක් බව පෙන්වා දුන්නේය.
අඩුම කරමින් ශ්රි ලංකා නාවික හමුදාවටවත් මේ නැවේ අඩංගු ද්රව්ය පිළිබඳව පරීක්ෂා කිරීමට අවසර ලබා දීමට රජය කටයුතු කරන ලෙසද ඔහු රජයෙන් ඉල්ලීමක් කළේය.
