මීගමුව බන්ධනාගාරය තුළ ඇති වූ ගැටුම්කාරී තත්ත්වයක් හේතුවෙන් එහි රැඳවුම් භාරයේ සිටි 73 හැවිරිදි ඉන්දීය ජාතික රැඳවියෙකු ජීවිතක්ෂයට පත්ව ඇති බව පොලිස් මාධ්ය කොට්ඨාසය පවසයි. බීබීසී සිංහල සේවයට සහ ඉන්දියාවේ ප්රමුඛතම පුවත්පතක් වන ‘ද හින්දු’ (The Hindu) පුවත්පතට තොරතුරු අනාවරණය කරමින් පොලිසිය මේ බව තහවුරු කර තිබේ.
මෙලෙස ජීවිතක්ෂයට පත්ව ඇත්තේ උන්නික්රිෂ්ණන් එස්. (Unnikrishnan S.) නැමැති 73 හැවිරිදි ඉන්දීය ජාතිකයෙකි. මියගිය පුද්ගලයාගේ අනන්යතාව තහවුරු කර ගැනීම සඳහා යම් කාලයක් ගතවීම හේතුවෙන් මෙම මරණය පිළිබඳ තොරතුරු වාර්තා කිරීම ප්රමාද වූ බව ද පොලිස් මාධ්ය කොට්ඨාසය සඳහන් කළේය.
මෙම සිදුවීමත් සමඟ මීගමුව බන්ධනාගාරයේ රඳවා සිටි සෙසු ඉන්දීය ජාතික රැඳවියන් සියල්ලන්ම වහාම ක්රියාත්මක වන පරිදි වෙනත් බන්ධනාගාර වෙත මාරු කර යැවීමට ද බලධාරීන් පියවර ගෙන ඇත.
ජීවිතක්ෂයට පත්ව ඇති ඉන්දීය ජාතිකයා 2025 වර්ෂයේදී ගුවන් මාර්ගයෙන් කුෂ් මත්ද්රව්ය කිලෝග්රෑම් 01යි ග්රෑම් 908ක් මෙරටට රැගෙන ඒම සහ සන්තකයේ තබා ගැනීමේ චෝදනාව මත රිමාන්ඩ් බන්ධනාගාරගත කර සිටි අයෙකු බව ද පොලිසිය වැඩිදුරටත් අනාවරණය කරයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
