තවත් ඉරාන නැවක් කොළඹ වරාය ආසන්නයට පැමිණ ඇති බවත් මේ ඉරාණ නැව සම්බන්ධව රජය දන්නවාදැයි ප්රශ්න කරන බවත් විපක්ෂ නායක සජිත් ප්රේමදාස අද පාර්ලිමේන්තුවේ දී විමසුවේය.
ඔහු ප්රකාශ කළේ ජාත්යාන්තර ප්රඥප්තිවලට අනුකූලව සමුද්රයේ අනන්ය ආර්ථික කලාපයේ කිසිම අකාරය යුදමය කටයුතුවලට ඉඩහැරිය නොහැකි බව කී විපක්ෂ නායකවරයා ගාලු වරායට නාවික සැතපුම් 19ක් දුරින් පිහිටි ඉරාන යුද නෞකාවට පහරදීම සම්බන්ධව නිල ප්රකාශයක් රජය පාර්ලිමේන්තුවට කළ යුතු බවට අවධාරණය කළේය. ඔහු කීවේ ජාත්යාන්තර නීතියට අනුව මෙම යුධ නැවට ප්රහාර එල්ල කිරීම අපරාධයක් බවය.
දෙවැනි ඉරාන නෞකාවේ ලඟාවීම ජාතික ආරක්ෂාවට බරපතල තර්ජනයක් බව ද ඔහ අවධාරණය කළේය.
මේ අවස්ථාවේ දී ඊට පිළිතුරු දුන් ආණ්ඩු පක්ෂයේ ප්රධාන සංවිධායක වෛද්ය නලින්ද ජයතිස්ස විපක්ෂයෙන් ඉල්ලා සිටියේ රජය වගකීම් සහගතව ජාත්යාන්තර ප්රඥප්තිවලට එකඟව කටයුතු කරද්දී මේ අවස්ථාව සම්බන්ධව රටක් ලෙස කල්පනා කරන ලෙසත් රජය සමග ඇති කෝන්තර පිරිමසා ගන්නට මේ අවස්ථාවේ දී උත්සාහ නොකරන ලෙසත්ය.
“ විපක්ෂ නායකතුමා කීවාට වැඩි බොහෝ දේවල් මේ මුහුදු සීමාව තුළ සිදුවෙමින් තිබෙනවා. බොහෝ කරුනු අප දන්නවා. රජය ඒ ගැන දැනගෙන තමයි කටයුතු කරන්නේ. ජනාධිපති තුමා ආරක්ෂක ඇමතිවරයා හැටියට ආරක්ෂක මණ්ඩලය රජය ඒ සම්බන්ධව කරුණු දන්නවා. දැනගෙන මේ ප්රශ්නය නිරාකරණය කරගැනීම සඳහා ජීවිත හානි අවම කරගැනීම සඳහා කලාපීය සාමය ආරක්ෂා කරගැනීම සඳහා මැදිහත්වීම් කරමින් ඉන්නවා.”
“මේ කියන නැව තවමත් තිබෙන්නේ අපේ ජාතික ජල තීරය නොවේ. ජාතික ජල තීරයට ආසන්න අනන්ය ආර්ථික කලාපයේ. ඒත් අපි ඒ ජීවිත සම්බන්ධව උපරිම මැදිහත්වීම සිදුකරන බව කියන්න පුලුවන්. මේ කටයුතු අවසන් වුනාම සවිස්තර වාර්තාවක් පාර්ලිමේන්තුවට ඉදිරිපත් කරන්නම්. “
