අනිවාර්ය පාරිසරික අනුමැතිය ලබාගෙන නොමැති බව පවසමින්, මන්ඩතිව් දූපතේ යෝජිත යාපනය ජාත්යන්තර ක්රිකට් ක්රීඩාංගණය සහ ක්රීඩා සංකීර්ණයට අදාළ ඉදිකිරීම් කටයුතු වහාම අත්හිටුවන ලෙස පරිසරවේදිහු ඉල්ලා සිටිති. තිබේ.
මේ පිළිබඳව නිවේදනයක් නිකුත් කරමින් වනජීවී හා ස්වභාව ආරක්ෂක සංගමය සඳහන් කරන්නේ, 1980 අංක 47 දරන ජාතික පාරිසරික පනත යටතේ අවශ්ය ව්යවස්ථාපිත අවසරයන් ලබා ගැනීමකින් තොරව ශ්රී ලංකා ක්රිකට් ආයතනය විසින් මෙම ඉදිකිරීම් ආරම්භ කර ඇති බවය
මධ්යම පරිසර අධිකාරිය විසින් අනුමත කරන ලද මූලික පාරිසරික පරීක්ෂණයක් හෝ පාරිසරික බලපෑම් ඇගයීමක් (සිදු කර නොමැති වුවද, දැනටමත් එම ස්ථානයේ පස් කපන යන්ත්ර ක්රියාත්මක වන බවත් ඉදිකිරීම් ද්රව්ය ප්රවාහනය කර ඇති බවත් එම සංගමය පවසයි.
එම සංගමයට අනුව, පූර්ව පාරිසරික අනුමැතියකින් තොරව මෙවැනි සංවර්ධන කටයුතු ආරම්භ කිරීම නීතිය උල්ලංඝනය කිරීමකි. මේ පිළිබඳව අදාළ නියාමන බලධාරීන් සහ ශ්රී ලංකා ක්රිකට් ආයතනය දැනුවත් කළද, ව්යාපෘතිය නැවැත්වීමට මෙතෙක් ස්ථිර පියවරක් ගෙන නොමැති බවද ඔවුහු පවසති.
පරිසරවේදීන් පෙන්වා දෙන්නේ මන්ඩතිව් දූපත යනු ලුණු වගුරු බිම්, මඩ වගුරු, කඩොලාන, මුහුදු තණබිම් සහ වෙරළබඩ තෙත් බිම්වලින් සමන්විත පාරිසරික වශයෙන් ඉතා සංවේදී ප්රදේශයක් බවයි. යෝජිත ව්යාපෘතිය පිහිටා ඇත්තේ මන්ඩතිව් කඩොලාන රක්ෂිත වනාන්තරය ආසන්නයේ සහ ප්රාදේශීය සැලසුම් රාමුව යටතේ අතිශය සංවේදී යැයි සැලකෙන ප්රදේශයකය.
තවද, මන්ඩතිව් දූපත වැසි කාලවලදී ස්වභාවික ගංවතුර රඳවා ගැනීමේ කලාපයක් ලෙස ක්රියා කරන බවත්, මහා පරිමාණ ඉදිකිරීම් හේතුවෙන් ගංවතුර අවදානම වැඩි වී ස්වභාවික වෙරළ ආරක්ෂණය දුර්වල විය හැකි බවත් එම සංගමය අනතුරු අඟවයි. එමෙන්ම කඩොලාන සහ මුහුදු තණබිම් පද්ධතීන් මත යැපෙන ප්රදේශයේ ධීවර ප්රජාවට මෙයින් එල්ල විය හැකි බලපෑම පිළිබඳවද ඔවුහු කනස්සල්ල පළ කරති.
වනජීවී හා ස්වභාව ආරක්ෂක සංගමය බලධාරීන්ගෙන් ඉල්ලා සිටින්නේ පාරිසරික රීති බලාත්මක කරන ලෙසත්, සංවර්ධන ව්යාපෘති නීතිමය සහ තිරසාර ප්රමිතීන්ට අනුකූල වන බව සහතික කරන ලෙසත්ය.
