කපිල කේ හීනටියන –
එක්සත් ජනපදයේ මිලිටිරි අංශ විසින් වෙනිසියුලාවේ දී පැහැරගත් වෙනිසියුලානු ජනාධිපති නිකොලස් මදුරෝ සහ ඔහුගේ බිරිඳ සිලියා ෆ්ලෝරස්, වෙනිසියුලාවේ සිට එක්සත් ජනපදයට රැගෙන ඒමෙන් සතියක්වත් යන්නටත් පෙර මෑන්හැටන්හි ෆෙඩරල් උසාවියක් අභිමුවට කැඳවා තිබිණි.
මත්ද්රව්ය ත්රස්තවාදය, කොකේන් ආනයනය කිරීමට කුමන්ත්රණය කිරීම සහ ආයුධ ලඟ තබාගැනිම සම්බන්ධ වැරදි ඇතුළු ෆෙඩරල් අපරාධ චෝදනා ඔවුන් දෙපළ වෙත ගොනු වූයේය. ඒ සඳහා වූ මූලික නඩු විභාගය වෙනුවෙන් ඊයේ (05) දේශීය වේලාවෙන් දහවල් 12:00 ට පමණ මදුරෝ සහ සිලියා ෆ්ලෝරස් නිව්යෝර්ක්හි දකුණු දිස්ත්රික්කයේ එක්සත් ජනපද දිස්ත්රික් විනිසුරු ඇල්වින් හෙලර්ස්ටයින් අභිමුවට පමණුවන ලදී. එය එක්සත් ජනපද නීති පද්ධතිය තුළ ඔවුන්ගේ පළමු විධිමත් පෙනී සිටීම විය.
ලෝකයේම අවධානයට ලක් වුන මෙම මූලික නඩු විභාගය මිනිත්තු 30 සිට 40 දක්වා පැවතිනි. ඔවුන් රඳවා සිටි මෙට්රොපොලිටන් රැඳවුම් මධ්යස්ථානයේ සිට නඩු විභාගය සඳහා මෑන්හැටන් වෙත රැගෙන විත් තිබුණි.
යුවල මැන්හැටන් ෆෙඩරල් අධිකරණය වෙත රැගෙන ගොස් තිබුණේ ප්රවේශමෙන් සම්බන්ධීකරණය කරන ලද ආරක්ෂක විධි විධාන යටතේය. දැඩි ලෙස සන්නද්ධ එක්සත් ජනපද හමුදා ආරක්ෂාව යටතේ රැගෙන ගිය යුවල සඳහා හෙලිකොප්ටරයකින් සහ මෝටර් රථ පෙළපාලියකින් දැඩි ආරක්ෂාව සලසා තිබුණේය.
මදුරෝ සහ සිලියා සිටියේ බන්ධනාගාර ඇඳුමින් සැරසීය. එම අවස්ථාව කැමරාවලට මාධ්යයට සහ කැමරාවලට වරාණය කළ එකක් විය. එකවර පරිවර්තනය සඳහා හෙඩ්ෆෝන් පැළඳ සිටි මදුරෝ සහ සිලියා ෆ්ලෝරස් විනිසුරු හෙලර්ස්ටයින් ඉදිරියේ පෙනී සිටි සිටියහ.
මදුරෝ වෙනුවෙන් පෙනී සිටියේ විකිලීක්ස් නිර්මාතෘ ජූලියන් අසාන්ජ් වෙනුවෙන් පෙනී සිටි වොෂින්ටන් නීතිඥ බැරී පොලැක්ය. හැරිස් ශාන්ත ලෝරන්ට් සහ වෙක්ස්ලර් නීති සමාගමේ හවුල්කරුවෙක් වන පොලැක් අසාන්ජ් වෙනුවෙන් පෙනී සිටිමින් ගෝලීය කුමන්ත්රණවලින් පිරුණු සංකිර්ණ ව්යුහයක් තුළ ලෝකය ඉදිරියේ ඇමරිකාව අපහසුතාවයට පත් කළ නඩු පිළිබඳ පුලුල් අත් දැකීමක් ලබා තිබිණි.
මා නිවැරදියි… මෙය පැහැර ගැනීමක්…
විනිසුරුවරයා මදුරෝ ගේ සහ සිලියාගේ අනන්යතාවයන් තහවුරු කර ඔවුන්ට එරෙහි චෝදනා කියෙව්වේය. මෙම අපරාධ චෝදනා මදුරෝ ප්රතික්ෂේප කළේය. ඔහු පරිවර්තකයෙකු හරහා ප්රකාශ කළේ තමා අහිංසක බවත් සියලු චෝදනාවලට වැරදිකරු නොවන බවත්ය.
තමන් තවමත් වෙනිසියුලාවේ නීත්යානුකූල ජනාධිපතිවරයා ලෙස රැඳී සිටින බව මදුරෝ අධිකරණය ඉදිරියේ ප්රකාශ කළේය. තමන් මේ ආකාරයෙන් අල්ලා ගැනීම පැහැරගැනීමක් ලෙස හඳුන්වන බවත් මදුරෝ පැවසුවේය.
“මම අහිංසකයි. මම යහපත් මිනිසෙක්,” “තවමත් මගේ රටේ ජනාධිපති” මදුරෝ නැවත නැවතත් කීවේය.
සිලියා ෆ්ලෝරස් ද වරදකරු නොවන කීවාය. ඇගේ පරිවර්තකයා හරහා “වෙනිසියුලා ජනරජයේ ජනාධිපති ආර්යාව” ලෙස තමා බව අධිකරණය ඉදිරියේ කීවාය. .
නීතිමය සහ ශාරීරික තත්වයන්
ස්වෛරී රාජ්යයක ප්රධානියා ලෙස මදුරෝට යම් යම් ආරක්ෂාවන් හිමිවිය යුතු බවට තර්ක කරමින්, යුවළගේ නීතිඥයින් ඔවුන් අල්ලා ගැනීමේ නීත්යානුකූලභාවය අභියෝග කළහ.
නඩු විභාගයේදී ඔහුගේ නීතිඥ පොලැක් පැවසුවේ මදුරෝගේ “මිලිටරි පැහැර ගැනීම” ලෙස ඔහු හැඳින්වූ දෙය සම්බන්ධයෙන් පුළුල් නීතිමය විග්රහයක් අපේක්ෂා කරන බවත්, සෙනසුරාදා මෙහෙයුම නීති විරෝධී බව විත්තිකරු තර්ක කරන බවත්ය.
මෙම ප්රකාශය එක්සත් ජනපද රජය වෙනිසියුලාවේ නීත්යානුකූල ජනාධිපතිවරයා ලෙස මදුරෝ හඳුනා නොගන්නා බවට කරන ප්රකාශය නීතිය ඉදිරියේ අභියෝගයට ලක් වුනේය.
ක්රියා පටිපාටියේ කැපී පෙනෙන මොහොත පැමිණියේ වෙළුම් පටි සහ තැලීම් ඇතුළු දෘශ්යමාන තුවාල සහිතව සිලියා ෆ්ලෝරස් අධිකරණය ඉදිරියේ පෙනී සිටි විටය. ඇයගේ නීතිඥ මාර්ක් ඩොනලි පැවසුවේ සිලියා ෆ්ලෝරස්ගේ ඉළ ඇටවල දරුණු තැලීම් ඇතුළු සැලකිය යුතු තුවාල සිදුවී ඇති බවත් ඇයට එක්ස් කිරණ සහ ශාරීරික ඇගයීමක් ලබා දෙන ලෙසත්ය.
දෙදෙනාම අත්අඩංගුවේ තබන ලෙසත් ඊළඟ නඩු විභාගය 2026 මාර්තු 17 වන දිනට නියම කරන ලෙසත් විනිසුරු හෙලර්ස්ටයින් නියෝග කළේය.
දැන් මූලික නීතිමය සටන ආරම්භ වී ඇත්තේය.
අධිකරණයෙන් පිටත, විරෝධතාකරුවන් සහ ප්රති-විරෝධතාකරුවන් ගැටෙනු පෙනුණි. එය එක්සත් ජනපද ක්රියාමාර්ගය සම්බන්ධයෙන් තියුනු ලෙස බෙදී ගිය මහජන හැඟීම් පිළිබිඹු කරන්නකි.
මේ වනවිට එක්සත් ජනපදය මදුරෝ සහ සිලියාව රූපණය කරන්නේ යුද සිරකරුවන් ලෙසිනි. රටක ඡන්දයකින් පත් වු රාජ්ය නායකයෙක් බලහත්කාරයෙන් පැහැරගෙන පැමිණ ඔහු යුද සිරකරුවෙක් ලෙස රුපණය කරමින් ට්රම්ප් ආණ්ඩුව කරන මේ විපරීතය මේ වනවිට ලෝකයම දැවැන්ත තිගැස්මකට පත් කර ඇත.
මදුරෝගේ නීතිඥ බැරී පොලැක් පැවසුවේ මදුරෝගේ “මිලිටරි පැහැර ගැනීම” සම්බන්ධයෙන් විශාල හා සංකීර්ණ නඩු පැවරීමක් අපේක්ෂා කරන බවයි. තම සේවාදායකයා දැනට ඔහු නිදහස් කරන ලෙස ඉල්ලා නොසිටින නමුත් පසුව එසේ කිරීමේ අයිතිය ඔහු සතු බව ඔහු පැවසීය.
මදුරෝ සහ සිලියා ෆ්ලෝරස් බෘක්ලින්හි මෙට්රොපොලිටන් අධිආරක්ෂිත රැඳවුම් මධ්යස්ථානය තුළ දැන් රඳවා ඇත. ලෝකය මොනතරම් සාධාරණදැයි විමසීම සඳහා වූ ලිට්මස් පරීක්ෂණයක් පමණක් දැන් අප අභියසට ඉතිරිවී තිබේ. .
