හිටපු අමාත්ය ජොන්ස්ටන් ප්රනාන්දු සහ ඔහුගේ පුත් ජෙරම් කෙනත් ප්රනාන්දු ලබන ලබන 09වැනිදා දක්වා රක්ෂිත බන්ධනාගාරගත කිරීමට වත්තල මහේස්ත්රාත් අධිකරණයට අද නියෝග කළේය.
පොලිස් මූල්ය කොට්ඨාසය විසින් කළ දැනුම් දීමකට අනුව ජොන්ස්ටන් ප්රනාන්දු සහ ඔහුගේ බාල පුත් ජෙරම් කෙනත් ප්රනාන්දු ප්රකාශයක් ලබා දීම සඳහා අද පැමිණි අවස්ථාවේ දී එම කොට්ඨාසය විසින් ඔවුන් අත් අඩංගුවට ගෙන තිබිණි.
අනතුරුව දීර්ඝ ප්රකාශ සටහන් කරගැනීමකින් අනතුරුව වත්තල මහේස්ත්රාත් අධිකරණය වෙත ඉදිරිපත් කළ පසු මේ දෙපළ ලබන 09 වැනිදා දක්වා රක්ෂිත බන්ධනාගාරගත කිරීමට අධිකරණය නියෝග කළේය.
මෙම විමර්ශනයට අදාලව ජොන්ස්ටන් ප්රනාන්දුගේ දෙටු පුත් ජොහාන් ප්රනාන්දු ද පසුගිය දා අත් අඩංගුවට ගෙන රක්ෂිත බන්ධනාගාරගත කරනු ලැබුවේය. ඊට අමතරව සතොස හිටපු ප්රවාහන කළමනාකරුවෙක් වූ ඉන්දික රත්නමලල ද අත් අඩංගුවට ගෙන අධිකරණයට ඉදිරිපත් කළ පසු ලබන 09 වැනිදා දක්වා රක්ෂිත බන්ධනාගාරගත කළේය.
අදාල චෝදනා රාජ්ය දේපල අවභාවිතාව සම්බන්ධව කෙරෙන්නකි. රාජ්ය දේපල සාවද්ය පරිහරණය, දැන දැනම අසත්ය තොරතුරු ඉදිරිපත් කර නිලධාරීන් නොමග යවා එතනෝල් බලපත්රයක් ලබා ගැනීම, රජයට බදු මුදල් වංචා කිරීම සහ මුදල් විශුද්ධිකරණය යන චෝදනා මෙම පිය පුතු තිදෙනට එල්ල වී තිබේ.
