ලලිත් චාමින්ද
-
පහර දි ඇත්තේ බද්දේගම ප්රාදේශීය සභාවට තරග කර පැරදුන සජබ අපේක්ෂකයෙක්… පන්නාගෙන ගොස් පහර දී හිර ගෙවල් හතක ගියත් මරා දමනට බවට මරණ තර්ජනත් කරලා….
බද්දේගම ප්රාදේශිය සභාවේ උප සභාපති සමන් සී. ලියනගේ මැර ප්රහාරයකට ලක්ව ගාල්ල ජාතික රෝහලට ඇතුළත්කොට ඇත.
පසුගිය පළාත් පාලන මැතිවරණයේ දි සමගිජන බලවේගයෙන් බද්දේගම ප්රාදේශිය සභාවට තරගකොට පරාජයට පත්වු අපේක්ෂකයකු විසින් මෙම පහරදිම සිදුකොට තිබේ.
.ඉකුත් 24 වැනිදින රාත්රියේ ගාල්ල කරාපිටිය ප්රාදේශයේ මල් ශාලාවක් තුළදි උප සභාපතිවරයා පහරකෑමට ලක්ව ඇත. මියගිය තම හිතවතකුගේ දේහයට අවසන් ගෞරව දැක්විම සදහා උප සභාපතිවරයා තම බිරිය සමග මෙම මල්ශාලාවට ගොස් තිබේ. එහිදි සැකකාර පුද්ගලයා උප සභාපතිවරයාගේ ඇඟේ හැපි ඇති අතර පසුව ඔහුට පහරදි ඇත.
ඉන්පසු උපසභාපතිවරයා යතුරුපැදියෙන් තම බිරිය සමග නිවස බලා යමින් සිටියදි සැකකරු මොවුන් පසුපස ලුහුබැඳගෙන විත් ගාල්ල ගොඩකන්ද ප්රදේශයේ දි මාර්ගය හරස්කොට නැවත වතාවක් පහරදි තිබේ.
මෙම මැර ප්රහාරය පිළිබද උප සභාපතිවරයා විසින් පෝද්දල පොලිසියට පැමිණිලි කොට ඇත.
තමන්ට එල්ල වූ මැර ප්රහාරය පිළිබද අදහස් දක්වමින් උප සභාපතිවරයා මෙසේ කිවේය.
“අපේ ගම් ප්රදේශයේ මියගිය අයකුගේ දේහය කරාපිටිය ප්රදේශයේ මල් ශාලාවක තැන්පත්කොට තිබුණා. ඔහුට අවසන් ගෞරව දැක්විම සඳහා මම 24 වැනිදින රාත්රි එම මල්ශාලාවට ගියා. “
“මම තරගකළ පහළ කිඹිය කොට්ඨාසයෙන් පසුගිය පළාත් පාලන මැතිවරණයේ දි සමගි ජන බලවේගයෙන් තරග කළ අපේක්ෂකයා මගේ ඇඟේ හැපිලා මගේ මුහුණට සහ පපුවට පහරදුන්නා. පසුව දෙවැනි වතාවටද මොහු ගොඩකන්ද මාර්ගයේ දී මට පහරදුන්නා.”
“ඒ විතරක් නෙවෙයි හිරගෙවල් හතක ගියත් මාව මරාදමන බවට මෙම පුද්ගලයා මට මරණිය තර්ජන එල්ල කළා. මේ පිළිබද පෝද්දල පොලිසියට පැමිණිලි කළා.
අද (26) පෙරවරුව වනතෙක් මොහු අත්අඩංගුවට ගැනිමට පොලිසියට නොහැකි වි ඇති බවද උප සභාපතිවරයා සදහන් කළේය.
සැකකාර පුද්ගලයා අත්අඩංගුවට ගැනීම සදහා පොලිස් කණ්ඩායම් කිහිපයක් යොදවා ඇති බව පොද්දල පොලිසිය පවසයි. සැකකරු අත්අඩංගුවට ගැනිම සදහා ඔහුගේ නිවසට ගිය බවත් ඔහු ප්රදේශයෙන් පලාගොස් ඇති බැව් පොද්දල පොලිසිය කියයි. පොද්දල පොලිසිය විසින් මේ පිළිබද වැඩිදුර පරික්ෂණ පවත්වයි.
සමන් සී ලියනගේ මහතා පුවත්පතේ කෘතෘ මණ්ඩල සමාජිකයෙකු ලෙස කාලයක් කටයුතු කළ අතර ලංකා සමසමාජ පක්ෂයේ නිල පුවත්පතේ සංස්කාරකවරයා ද වේ.
ඔහු පසුගිය පළාත් පාලන මැතිවරණයේ දි තරුව ලකුණින් තරගකොට බද්දේගම ප්රාදේශිය සභාවට තේරිපත්වු අතර ප්රාදේශිය සභාව පිහිටුවිමේ දි සමන් සී ලියනගේ ජාතික ජනබලවේගයට සහයෝගය දක්වනු ලැබිය.
