මනම්පිටිය නිමල් ජයරත්න –
වන අලියෙකු පහරදීමෙන් පොලොන්නරුව කළුකැලේ ප්රදේශයේ පදිංචි පනස් හතර වියති කාන්තාවක් මියගොස් ඇති බව සිරිපුර පොලිසිය කියයි.
මෙලෙස මියගොස් ඇත්තේ ආර්.එම්.පොඩිමැණිකේ නැමැති කාන්තාවකි.
ඇය කළුකැලේ කපිල කෑල්ල ප්රදේශයට 14 වෙනිදා දර කැඩීමට ගොස් සිටියදී වන ප්රහාරයට ලක්ව දෙහිඅත්තකණ්ඩිය රෝහලට ඇතුළත් කිරීමෙන් පසු, වැඩිදුර ප්රතිකාර සඳහා පොළොන්නරුව මහ රෝහලට ඇතුළත් කර තිබිණි.
අනතුරුව ඊයේ ( 15 ) සවස ඇය මියගොස් ඇත. දේහය පිළිබඳව පොළොන්නරුව මහ රෝහලේ අධිකරණ වෛද්ය ආර්.එම්. ඒ. එස්.බී රත්නායක විසින් පශ්චාත් මරණ පරීක්ෂණ සිදුකළේය.
වැඩිදුර පරීක්ෂණ සිරිපුර වැඩ බලන පොලිස් ස්ථානාධිපති ආර්.එම්. එස්. අයි. රාජපක්ෂගේ උපදෙස්මත පොලිස් නිලධාරි කණ්ඩායමක් විසින් සිදුකරයි.
