හිටපු ජනාධිපති රනිල් වික්රමසිංහ ඇතුළු හිටපු කැබිනට් ඇමතිවරුන් පිරිසක් ප්රමිතියෙන් තොර ප්රතිදේහ එන්නත් මිලදී ගැනීමේ අපරාධය සම්බන්ධව හිටපු සෞඛ්ය අමාත්ය කෙහෙළිය රඹුක්වැල්ලට එරෙහි නඩුවේ සාක්ෂිකරුවන් ලෙස නම් කර තිබේ.
ඒ අතර හිටපු ජනාධිපති රනිල් වික්රමසිංහ, හිටපු අමාත්යවරුන් වන නිමල් සිරිපාල ද සිල්වා, විජයදාස රාජපක්ෂ, ඩග්ලස් දේවානන්ද, රොෂාන් රණසිංහ යන හිටපු කැබිනට් අමාත්යවරු වෙති.
තවද ජාතික ඖෂධ නියාමන අධිකාරියේ සභාපති වෛද්ය ආනන්ද විජේවික්රම ඇතුළු වෛද්යවරුන් කණ්ඩායමක්ද එම සාක්ෂිකරුවන්ට ඇතුළත්ය.
එමෙන්ම මෙම නඩුවට අදාළව නඩු භාණ්ඩ 300කට ආසන්න සංඛ්යාවක් ද පැමිණිල්ල විසින් ඉදිරිපත් කර තිබේ.
ප්රමිතියෙන් තොර ප්රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්ය අමාත්ය කෙහෙළිය රඹුක්වැල්ල ඇතුළු විත්තිකරුවන් 12 දෙනෙකුට එරෙහිව නීතිපතිවරයා විසින් කොළඹ ත්රිපුද්ගල මහාධිකරණ විනිසුරු මඩුල්ලක් හමුවේ අද අධිචෝදනා ගොනු කෙරුණි.
