ලලිත් චාමින්ද –
-
යන්ත්රවල තිබිලා තියෙන්නේ රුපියල් 350ට ගත්තු බුෂ්… ඒ බුෂ්වලින් දිගටම යන්ත්ර වැඩ කරද්දි රුපියල් 79 082කට ගෙනාපු බුෂ් තොගය නිශ්කාර්යව ගබඩාවේ ගොඩ ගහලා තියලා…
-
බුෂ් 200කට වැය කළ සම්පුර්ණ මුදල රුපියල් එක්කෝටි පනස් අට ලක්ෂ දාසය දහස් හාරසිය අසු දෙකක්… රට ඇතුළෙන් ගත්තනම් වැය වෙන්නේ රුපියල් හැත්තෑ දාහයි…
ලංකා පොස්පෙට් සමාගමේ ඛනිජ ඇඹරුම් යන්ත්ර සඳහා යොදනු ලබන රබර් බුෂ් ඒකකයක් රුපියල් 350ක මුදලකට දේශීයව මිලදී ගැනීමට හැකිව තිබියදි රබර් බුෂ් ඒකක 200ක් ඒකකයක් රුපියල් 79,082ක් වැනි ඉතා ඉහළ මිලක් ගෙවා ආනයනය කිරිමෙන් පොස්පෙට් සමාගමට රුපියල් එක්කෝටි, පනස් හත් ලක්ෂ හතලිස් හයදහස් හාරසිය අසු දෙකක (15,746,482) අලාභයක් වි ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
රබර් බුෂ් එකක 81ක් ගබඩාවේ තිබියදි තොගය ශුන්ය බව දක්වමින් මෙම රබර් බුෂ් තොගය ආනයනය කොට තිබුණි.
මිලදිගත් රබර් බුෂ් තොගය ඉකුත් වර්ෂයේ (2024) අප්රේල්මස 01 වැනිදින වනවිටත් භාවිතයට නොගෙන ගබඩා ලේඛන තුළ ඇතුළත් කිරිමකින් තොරව ගබඩාවේ නිෂ්කාර්යව ඇති බවද විගණන වාර්තාවේ සඳහන් වේ.
මෙම රබර් බුෂ් තොගය සමග බුෂ්වලට අමතර සම්බන්ධතා ඇණ ඒකක 198ක් ලැබි තිබුණද එම ඇණ වලින් අදාළ යන්ත්රයට කිසිදු ප්ර යෝජනයක් නොමැති බැවින් එවා නිෂ්කාර්යව තබා ඇති බවද විගණනය මගින් අනාවරණය කොට ඇත.
ඒකකයක් රුපියල් 350 බැගින් දේශියව මිලදි ගෙන තිබු රබර් බුෂ් 2024 අප්රේල් මස 01 වැනිදින දක්වාම අදාළ යන්ත්ර සදහා භාවිතා කරමින් තිබුණි.
එසේ තිබියදි ඉතා අධික මිලක් ගෙවා මෙම රබර් බුෂ් තොගය 2022 වර්ෂයේ දෙසැම්බර් මස 17 වැනිදින ආනයනය කොට තිබු අතර .ඒ සඳහා වැයකොට ඇති සම්පුර්ණ මුදල රුපියල් එක්කෝටි පනස්අටලක්ෂ දාසයදහස් හාරසිය අසුදෙක (15,816,482) කි.
