අද (07) උදෑසන 7 වනවිට ප්රකාශිත ඡන්ද ප්රතිඵල අනුව ප්රකාශිත ඡන්ද ප්රතිශතයේ සියයට 43.52ක ප්රමාණයක් හිමි කරගෙන ජාතික ජන බලවේගය ඉදිරියෙන් සිටී.
ඔවුන් ලබා ඇති ඡන්ද ප්රමාණය විසි හය ලක්ෂ අනු නව දහස් හැට හතරකි. පළාත් පාලන ආයතන සඳහා සභිකයින් 2357ක් ඔවුන් විසින් දිනාගෙන තිබේ.
දෙවැනි තැනට පත්වන සමගි ජන බලවේගය ප්රකාශිත ඡන්ද ප්රතිශතයෙන් සියයට 20.55ක් හිමි කරගෙනය. ඔවුන් ලබාගෙන ඇති ඡන්ද ප්රමාණය දොලාස් ලක්ෂ හැත්තෑ හතර දහස් දෙසීය අසූ පහකි. සභික ධූර 1003ක් ඔවුන් හිමි කරගෙනය.
ශ්රී ලංකා පොදු ජන පෙරමුණ සියයට 9.7ක ප්රතිශතයක් ගමේ ඡන්දයෙන් අත්පත් කරගෙන ඇත. ලබා ගත් ඡන්ද ප්රමාණය හය ලක්ෂ හත් දහස් එකසිය පහළොවකි. ලබා ගත් සභික ධූර ප්රමාණය 218කි.
එක්සත් ජාතික පක්ෂ්ය සිවුවන තැනට ඇද වැටී ඇත. අත්පත් කරගන්නේ ප්රකාශිත ඡන්ද පතිශතයෙන් සියයට 3.76කි. ඡන්ද දෙලක්ෂ හැත්තෑ හැත් දහස් අටසිය දෙකක ප්රමාණයක් ඔවුන් ලබාගෙන තිබේ. සභික ධූර සංඛ්යාව 218කි.
එක්සත් ජනතා නිදහස් සන්ධානය ඡන්ද දෙලක්ෂ තිස් අට දහස් පන්සිය පහළොවක් සහිතව සභික ධූර 188ක් හිමි කරගෙනය. එය ප්රතිශතයක් ලෙස සියයට 3.73කි.
අනෙක් සියලුම දේශපාලන පක්ෂ සහ ස්වාධීන කණ්ඩායම් ඡන්ද එකොලොස් ලක්ෂ හැත්තෑ දහස් තුන්සිය විසි එකක් ලබාගෙන සභිකයින් 1141ක් දිනාගෙන ඇත. එය ප්රතිශතයක් ලෙස සියයට 18.3 කි.
