ඩොනල්ඩ් ට්රම්ප් විසින් ඇති කළ වෙළෙඳ යුද්ධයත් සමග කැනේඩියානු ජනතාවගේ ජන මතයේ විශ්මයජනක පෙරළියක් ප්රකාශයට පත් වෙමින් අගමැති මාර්ක් කාර්නිගේ ලිබරල් පක්ෂය කැනඩාවේ ෆෙඩරල් මැතිවරණය ජයග්රහණය කර ඇත.
ඡන්ද විමසීම් අවසන් වූ පසු, ලිබරල් පක්ෂය කොන්සර්වේටිව් පක්ෂයට වඩා පාර්ලිමේන්තුවේ ආසන 343 න් වැඩි ප්රමාණයක් දිනා ගනු ඇතැයි පුරෝකථනය කරන ලදී. නමුත් ඔවුන් සම්පූර්ණ බහුතරයක් – අවම වශයෙන් 172 ක් – දිනා ගනීද නැතහොත් රජයක් පිහිටුවීමට සහ නීති සම්මත කිරීමට කුඩා පක්ෂ එකක් හෝ කිහිපයක් මත විශ්වාසය තැබීමට අවශ්ය වේද යන්න වහාම පැහැදිලි නොවන බව “ඇසෝසියේටඩ් ප්රෙස්” වාර්තා කරයි.
ඇමරිකානු ජනාධිපතිවරයා කැනඩාවේ ආර්ථිකයට පහර දීමට සහ එහි ස්වෛරීභාවයට තර්ජනය කිරීමට පටන් ගන්නා තෙක් ලිබරල් පක්ෂය දරුණු පරාජයක් කරා යන බවක් පෙනෙන්නට තිබුණි,
ට්රම්ප්ගේ ක්රියාවන් කැනේඩියානුවන් කෝපයට පත් කළ අතර ජාතිකවාදයේ නැගීමක් ඇති කර තිබිණි. එය ලිබරල්වාදීන්ට මැතිවරණ කතාව පෙරළා සිව්වන වරටත් බලය දිනා ගැනීමට උපකාරී වී ඇති බව විදෙස් මාධ්ය පවසයි.
ට්රම්ප්ගේ හැසිරීම බොහෝ කැනේඩියානුවන් කෝපයට පත් කර තිබිණි. බොහෝ දෙනෙක් එක්සත් ජනපද නිවාඩු අවලංගු කිරීමට, ඇමරිකානු භාණ්ඩ මිලදී ගැනීම ප්රතික්ෂේප කිරීමට සහ ඡන්දය පිළිබඳ උනන්දුවක් නැති පිරිස් පවා ඡන්දය දීමට හේතු වී ඇති බවත්, වාර්තාගත කැනේඩියානුවන් මිලියන 7.3 ක් ඡන්දය ප්රකාශ කළ බවත් මාධ්ය වාර්තා කර ඇත.
මේ වනවිට කැනඩාව ජීවන වියදම් අර්බුදයකට මුහුණ දී සිටී. කැනඩා අපනයනවලින් 75% කට වඩා වැඩි ප්රමාණයක් එක්සත් ජනපදයට යන බැවින්, ට්රම්ප්ගේ තීරුබදු තර්ජනය සහ උතුරු ඇමරිකානු මෝටර් රථ නිෂ්පාදකයින් කැනඩාවේ නිෂ්පාදනය දකුණට ගෙනයාමට ඇති ට්රම්ප්ගේ ආශාව කැනේඩියානු ආර්ථිකයට දැඩි ලෙස හානි කළ හැකි බවට පුරෝකථනය කළ හැකිය.
මැතිවරණ ප්රචාරක ව්යාපාරයේදී, එක්සත් ජනපද භාණ්ඩ සඳහා ප්රති-තීරුබදු වලින් රජය අය කරන සෑම ඩොලරයක්ම වෙළඳ යුද්ධයෙන් අහිතකර ලෙස බලපාන කැනේඩියානු කම්කරුවන් වෙත යන බවට අගමැති කාර්නි පොරොන්දු විය.
