මාර්තු සහ අප්රේල් මාසවලදී පෙර වසරට වඩා දැඩි උෂ්ණත්වයක් ඇතිවීමේ හැකියාවක් පවතින බව කාලගුණ විද්යා දෙපාර්තමේන්තුව පවසයි.
මේවන විට පවතින වියලි කාලගුණික තත්ත්වය සෘතුමය තත්ත්වයක් බවත්, මේ කාලය තුළ රටේ සාමාන්ය වර්ෂාපතනය අඩු මට්ටමක පවතින බවත් පෙන්වා දෙන එම දෙපාර්තමේන්තුව එය යම් තරමකට සමනය කරමින් ඉදිරි සති දෙක තුළ අඩු වර්ෂාපතනයක් අපේක්ෂා කරන බව පැවසුවේය.
නමුත් මාර්තු සහ අප්රේල් මාසවලදී ඇතිවනු ඇතැයි උපකල්පිත ගෝලීය කාලගුණ විපර්යාසයන් සමග උෂ්ණත්ව වැඩිවීමක් පමණක් නොව, නිරන්තර තාප තරංග වැඩි වීමේ අවදානමක් ද ඇති විය හැකි බව කාලගුණ විද්යා දෙපාර්තමේන්තුව පුරෝකථනය කරයි.
දේශගුණික විපර්යාසයේ බලපෑම හේතුවෙන් සෑම වසරකම මාර්තු සිට අප්රේල් දක්වා උෂ්ණත්වය සුළු ප්රමාණයකින් ඉහළ යන බවත්, මේ වසරේ ද එය ඉහළ යනු ඇතැයි අපේක්ෂා කරන බවත්, කාලගුණ විද්යා දෙපාර්තමේන්තුව කියයි.
කාලගුණ රටා පිළිබඳ නිල වාර්තාවක් මෙතෙක් එම දෙපාර්තමේන්තුව විසින් නිකුත් කර නැත.
