-
ත්රස්ත පනත දාගෙන සී.අයි.ඩි ය ආණ්ඩුවත් නෝන්ඩි කරයි… චූදිතයාට ඇප ලබාදුන් අධිකරණය දණ්ඩ නීති සංග්රහය යටතේ චෝදනා ගොනු කරනවා නම් ඉදිරි නඩු දිනයේ දී චෝදනා ගොනු කරන ලෙස ද අධිකරණයට දන්වයි!
වසර ගණකට පෙර ප්රකාශයට පත් වූ එල්.ටී.ටී.ඊ. මහවිරු දින උත්සව සැමරුම් වීඩියෝ කීපයක් මතුකර පසුගිය දින කීපය තුළ යළි සිදුවූ සිද්ධියක් ලෙස සමාජ මාධ්ය ඔස්සේ ප්රචාරය කර එල්ටීටීඊ ප්රවර්ධනයට උත්සාහ කළ බවට චෝදනා කරමින් ත්රස්තවාදය වැළැක්වීමේ පනත යටතේ අත් අඩංගුවට ගෙන අධිකරණයට ඉදිරිපත් කළ කැළුම් හර්ෂණ නැමැත්තාට කොටුව ප්රධාන මහෙස්ත්රාත් අධිකරණය අද (02) ඇප ලබා දුන්නේය.
අපරාධ පරික්ෂණ දෙපාර්තමේන්තුව චෝදනා ගොනු කළ ආකාරයට මෙම පුද්ගලයා ත්රස්තවාදය වැළැක්වීමෙ පනත යටතට ගැනෙන වරදක් කළ බවට බැලූ බැල්මටම තහවුරු නොවන බව දැන් වූ අධිකරණය චූදිතයාට ලක්ෂ පහ බැගින් වූ ශරීර ඇප දෙකක් නියම කර අපරාධ පරීක්ෂණ දෙපාර්තමේන්තුවට දැන්වූයේ මොහු සම්න්ධව දණ්ඩ නීති සංග්රහය යටතේ චෝදනා ගොනු කරන්නේ නම් එය ඉදිරි නඩු දිනයේ සිදුකළ යුතු බවටය.
නැවත නඩුව පෙබරවාරි 20 වැනිදා කැඳවීමට නිමයිතය. මෙහිදී චිත්ති පාර්ශවය වෙනුවේන පෙනි සිටී නීතිඥ මනෝජ ගමගේ මාධ්ය වෙත අදහස් දක්වමින් ප්රකාශ කළේ සමාජ මාධ්ය ප්රචාරණ පෙරළියක් හරහා බලයට පැමිණි රජයක්, කිසිම ආණ්ඩුවක් සිදුනොකළ ආකාරයට සමාජ මාධ්ය පාලනය කිරීම යෑම නොකළ යුතු බවය. එවැනි අත පෙවීම් යළිත් භ්රෑමරංග වි තමන් වෙතම පැමිණිය හැකි බව ඔහු කීවේය.
කිසිම පුරවැසියෙකුට බොරු කීමට අයිතියක් නැතිවා සේම භීතියක් ඇතිවන ආකාරයෙන් සමාජ මාධ්ය පාලනය කිරීමට උත්සාහ කිරීම්, මෙවැනි පදනම් විරහිත අත් අඩංගුවට ගැනීම් ආන්ඩුවත් නතර කළ යුතු බවය. මෙවැනි අධිකරණ තීන්දු මගින් ආන්ඩුක්රම ව්යවස්ථාව මගින් සහතික කර තිබෙන භාෂණයේ සහ ප්රකාශනයේ නිදහස ආරක්ෂා වීම මේ නඩුවෙන් ලත් පළමු ජයග්රහණය බව ද නීතිඥ මනෝජ් ගමගේ කීවේය.
ඔහු මෙසේ ද පැවසුවේය.
“අද දවසේ කොළඹ මහේස්ත්රාත් අධිකරණයේ දී අංක 1 උගත් මහේස්ත්රාත්තුමා වෙත ඉදිරිපත් කළා කැළුම් හර්ෂණ කියන මගේ සේවා දායකයා. සමාජ මාධ්ය ඔස්සේ මහවිරු සැමරුම සහ ප්රභාකරන්ගේ ඡායාරූප පල කිරීම ගැනයි ඔහු අත් අඩංගුවට ගත්තේ.
එහිදී අධිකරණයට සීඅයිඩි ය විසින් පෙන්වා දී සිටියා ෆේස් බුක් සමාජ මාධ්ය ජාලය විසින් මගේ සේවා දායකයා විසින් මහවිරු සමරුව පිළිබඳ සහ ඒ ආශ්රිත දේවල් පිළිබඳ පෝස්ට් පල කිරීම තුළ යම් කිසි ආකාරයක එල්ටීටීඊ එක ප්රවර්ධනයක් කරලා තියනවා. ඒ නිසා ත්රස්තවාදය වැළැක්වීමේ පනත යටතේ සහ දණ්ඩ නීති සංග්රහය යටතේ චෝදනා කරමින් ඔහුව ඉදිරිපත් කරනවා කියලා.
මේ අවස්ථාවේ දී අප දැක්වූ කරුණ තමයි මේ රටේ ජන මාධ්ය පැහැදිලිව වාර්තා කරලා තිබුණා මහ විරු සැමරුමක් මේ රටේ සිද්ධ වෙනවා කියලා. ඒ වගේම ප්රභාකරන්ගේ උපන් දින කේක් එක කපන වෙලාවෙ හිටපු පාර්ලිමේන්තු මන්ත්රී ශිවාජිලිංගම් ගෙ ගෙදරට පොලිසිය ගිහින් ප්රභාකරන්ගේ රූපය වහලා උපන් දින සැමරුම ඒ ආකාරයෙන්ම කරගෙන යන්න ඉඩ දුන්නා.
ඒ වගේම අපි දැක්කා පාර්ලිමේන්තු මන්ත්රීවරයෙක් ප්රභාකරන් දෙවියෙක් ලෙස කතා කළා. එහෙමනම් තහනම් සංවිධානයක්වන එල්.ටී.ටි ඊ සංවිධානය ප්රවර්ධනය කරනවා කියන්නේ අන්න එවැනි පුද්ගලයින්.
මගේ සේවාදායකයා කරලා තියෙන්නේ වෙනස් දෙයක්. එක අවස්ථාවක ඔහු පල කරලා තියනවා ප්රභාකරන් වැනි ම්ලේච්ඡ ත්රස්තවාදයෙක් අපාගත වෙන්න ඕන කියලා. කිසිම අවස්ථාවක මිනිස් ආත්මයක් ලැබෙන්න ඕන නෑ කියලා.
ඉතින් මේක එල්ටීටී ප්රවර්ධනයක් කිරීම නෙමෙයි. මහවිරු සතියේ සැමරුම් විවිධ ආකාරයෙන් කළා. මළවුන් සමරනවා කියලා කළා. ප්රභාකරන්ගේ උපන්දිනය සමරපු ශිවාජිලංගම් අත් අඩංගුවට ගන්නේ නැතිව ඒ නිදහස ඔවුන්ට ලැබිලා තියනවා නම් දකුනේ ජනතාවට තමන්ගේ අදහස් ප්රකාශ කිරිමේ අයිතිය තිබිය යුතුයි.
මෙතැනදි අද දවසේ වඩාත්ම සතුට වන්නේ සමාජ මාධ්ය තුළ අදහස් ප්රකාශ කිරීමේ අයිතිය, ආණ්ඩුක්රම ව්යවස්ථාවෙන් ප්රකාශ කරලා තියන භාෂණයේ සහ ප්රකාශනයේ නිදහස තහවුරු විමක් අ අධිකරණය ඉදිරියේ දි සිද්ධ වුනා.
අධිකරණය ඇහුවෙ මේ සිදුවීම් කළ කෙනාද වරද කරන්නේ. ප්රචාරණය කළ කෙනාද වරද කරන්නේ කියලා. අධිකරනය එය ඇසුවා. ත්රස්තවාදය වැළැක්වීමේ පනත යටතේ මගේ සේවා දායකයාට චෝදනා ගොනු කරන්න බෑ කියලා ඔහුට ඇප ලබා දුන්නා. දණ්ඩ නීති සංග්රහය යටතේ ඔහුට එරෙහිව චෝදනා ගොනු කරනවා ද නැද්ද යන්න පිළිබඳව ඉදිරි දිනයේ දී අධිකරණයට දන්වන්න කියලා අධිකරණය අපරාධ පරික්ෂණ දෙපාර්තමේන්තුවට දැනුම් දුන්නා.” නීතිඥවරයා පැවසුවේය.
