විදේශ ගමන් බලපත්ර අයදුම්පත් සඳහා මාර්ගගත ක්රමයට දින වෙන්කරවා ගැනීමේ ක්රමය නොවැම්බර් 6 සිට ක්රියාත්මක වන බවත් හදිසි ගමන් අවශ්යතා සඳහා විදේශ ගමන් බලපත්ර අවශ්ය අය අදාළ සියලුම ලියකියවිලි ආගමන හා විගමන දෙපාර්තමේන්තුවට ඉදිරිපත් කර ගමන් බලපත්රය ලබාගැනීමට හැකි බවත් ආගමන විගමන දෙපාර්තමේන්තුව නිවේදනය කරයි.
වැඩබලන ආගමන විගමන පාලක ජනරාල් (වැඩබලන) ඩී.එම්.ඩී. නිලූෂා බාලසූරිය අද (04) පැවැති මාධ්ය හමුවේදී අදහස් දක්වමින් පැවසුවේ ඒ සඳහා කටයුතු කිරීමට ස්වාධින කමිටුවක්ද ආගමන විගමන දෙපාර්තමේන්තුව තුළ ස්ථාපිත කර ඇති බවය. මේ අතර විදෙස්ගමන් බලපත්ර 50,000ක තොගයක් ඔවුන් වෙත ලැබූණු බවත් ඉන් 33,000ක පමණ ප්රමාණයක් මේ වනවිට ඉතිරිවී ඇති බවත් වැඩබලන ආගමන විගමන පාලක ජනරාල්වරිය සඳහන් කළාය.
ඇය සඳහන් කළේ, ප්රධාන කාර්යාලයෙන් හා දිවයිනේ ඇති ප්රාදේශීය කාර්යාලවලින් දිනකට එක්දින සේවාව ඔස්සේ විදෙස්ගමන් බලපත්ර 1200ක ප්රමාණයක් නිකුත්කළ හැකි බවය. “ඇත්තෙන්ම හදිසි අයෙකුට විදෙස් ගමන් බලපත්රයක් ලබා ගැනීමේ අවශ්යතාවට තිබුණොත් මේ ක්රමවේදය හරහා ගිහින් දිනයක් ලබා ගැනීම සිදුකළ යුතුයි. ඒ දිනය ලබා ගන්නකොට තමයි එයාට තහවුරු කරන්න පුළුවන් වෙන්නේ මම දිනයක් ලබා ගත්තා නමුත් ඊට කළින් මට විදේශ ගමන් බලපත්රය ලබා ගැනීමේ අවශ්යතාවට තියෙනවා කියලා. එහිදී ඔහුට දැඩි අවශ්යතාවට සනාථ කරන්න පුළුවන් ලියකිවිලිත් අරගෙන අපේ දෙපාර්තමේන්තුව වෙත පැමිණෙන්න පුළුවන්. ”
“ඒ සඳහා පිහිටුවා ඇති ස්වාධීන කමිටුව හරහා එහිදී ඔහුට යම් ආකාරයේ සහනයක් ලබා ගන්න පුළුවන්. හැබැයි ඒ වගේම අපි අවධාරණය කරනවා රාජ්ය දෙපාර්තමේන්තුවක් විදිහට යම් ආකාරයේ ව්යාජ ලේඛන, කූඨ ආකාරයෙන් සැකසූ ලේඛන ඒ අවස්ථාවේදී ඉදිරිපත් කළොත් ඒ සම්බන්ධව අපි නීත්යානුකූලව කටයුතු කරන්න නොපමාවම සූදානමින් සිටින බව. ”
පවතින තත්ත්වය ඉක්මනින් සමනයට පත් කිරීමට ඉදිරියේදී කටයුතු කරන බවද ඇය වැඩිදුරටත් පැවසුවාය.
