ඉන්දියාවේ විදේශ විනිමය සංචිතය 2022 මැයි මාසයෙන් පසු පළමු වතාවට ඩොලර් බිලියන 600 ඉක්මවා ගිය අතර, එය මාස 15 ක ඉහළම අගයට පත් වූ බව ටයිම්ස් ඔෆ් ඉන්දියා වෙබ් අඩවිය වාර්තා කරයි.
ජූලි 14 වන විට ඩොලර් බිලියන 609 ක් වූ අතර විදේශීය ආයතනික ආයෝජකයින්ගෙන් ඩොලර් ගලා ඒම මත අඛණ්ඩව තෙවැනි සතියටත් ඉහළ ගියේය.
සංචිත පෙර සතියට වඩා ඩොලර් බිලියන 12.74 කින් ඉහළ ගොස් ඇති අතර, මාස හතරක් තුළ ඔවුන්ගේ විශාලතම ලාභය වාර්තා කිරීමට සමත් විය. ඊට ප්රධාන වශයෙන්ම හේතු වී ඇත්තේ ඉන්දියානු සංචිත බැංකුව ( Reserve Bank of India ) විසින් තබා ඇති එක්සත් ජනපද රජයේ බැඳුම්කරවල වැඩිවීම සහ ඩොලර් නොවන මුදල්වල අගය ඉහළ යාමය.
ඉන්දියානු සංචිත බැංකුව (Reserve Bank of Indi) සතුව එහි විදේශ මුදල් වත්කම්වලින් තුනෙන් දෙකකට වැඩි ප්රමාණයක් එක්සත් ජනපද ඩොලර් වලින් ද, ඉතිරිය යුරෝ, යෙන්, පවුම් සහ චීන රෙන්මින්බි ද වේ.
සංචිත ප්රථම වරට ඩොලර් බිලියන 600 සීමාව ඉක්මවා ගියේ 2021 ජුනි මාසයේදී රට තුළ සෘජු විදේශ ආයෝජනවලින් පසුවය.
