තායි රාජා නැවත ගෙනයෑමට අදහසක් නැතැයි කියමින් තායි තානාපතිවරයා මහනුවරදි කර ඇති ප්රකාශය තායි – ශ්රී ලංකා බෞද්ධ සබඳතාව බිඳදැමිමට උත්සහ කළ එන්ජිඔි සංවිධානවලට දුන් හොඳ කනේ පහරක් යැයි හිටපු දියවඩන නිලමේ නෙරංජන් විජයරත්න පවසයි.
දළදා මාලිගාවට තායි රජතුමා පුජාකළ “තායි රාජා” යළි එරටට ගෙන්නා ගන්නැයි මෙරට සිටින අන්යාගමික එන්ජිඕ කාන්තාවක් මුල්වි කරන ප්රචාරය නිසා මේ සියළු අවුල් ඇතිවි අතැයිද හිටපු දියවඩන නිලමේවරයා පවසයි.
මෙම එන්ජිඕ කල්ලි බෞද්ධ සංස්කෘතියට පහර ගැසීමට කරනා කුමන්ත්රණයන්ට එරෙහිව පියවර ගැනිමට රජයේ අවධානයද යොමුවිය යුතුව ඇතැයිද ඔහු කියයි.
” තායිලන්ත රජ පවුල මෙන්ම එරට වැසියා දළදා මාලිගාවට දක්වන්නේ අසීමිත ගෞරවයක්. ඒ ගෞරවය නිසාම තමයි දැන් ඉන්න රජතුමාගේ පිය රජතුමා මගේ ඉල්ලීමට තායි රාජා දළදා මාලිගාවට පුජා කළේ. ඒ වගේම දැන් සිටින මහා වජිරලොංකෝර්න් මහ රජු රජ වීමට පෙර 1993 ජනවාරි 21 දළදා මාලිගාවට ආවා. එතුමාගේ මුල් බිසව වු ස්වන්සවාලි දේවිය හා දූ කුමරියත් 1989 දි දළදා මාලිගාවට ආවා. “
තායි රජ පවුල හා දළදා මාළිගාව අතර ඇති සම්බන්ධය විස්තර කරමින් හිටපු දියවඩන නිලමේ වරයා කීවේය.
