දැඩි ආර්ථික අර්බුදයෙන් ගොඩ එන්නට ජාත්යන්තර මූල්ය අරමුදලෙන් ලැබුණු විස්තිරණ ණය පහසුකම අපට ලැබෙන තත්ත්වයට පත් වීම පසුපස සිටි ප්රබල කාන්තාවන් තිදෙනකු ගැන ජනාධිපති රනිල් වික්රමසිංහ සිහිපත් කළේ පසුගිය මාර්තු 08 වැනිදා ලෝක කාන්තා දිනය වෙනුවෙන් පැවති උත්සවයකදීය. එයින් ඔහු මුලින්ම සඳහන් කළේ ඉන්දීය මුදල් අමාත්ය නිර්මලා සීතාරාම්න ගැනය. ජාත්යන්තර මූල්ය අරමුදලේ ඉහළ කළමනාකාරීත්වය හමුවේ ශ්රි ලංකාව පත්ව ඇති දුෂ්කර තත්ත්වයත් ඒ සඳහා ශ්රි ලංකාවට ණය ලබා දිය යුතු බවටත් මුලින්ම අවධාරණය කළේ නිර්මලා සීතාරාමන්ය. ඒ නිසා ජනාධිපතිවරයා ඇය ගැන සිහිපත් කළාය.. ජනාධිපතිවරයා සඳහන් කළ දෙවැනි කාන්තාව වන්නේ ජාත්යන්තර මූල්ය අරමුදලේ කළමනාකාර අධ්යක්ෂ ක්රිස්ටලිනා ජෝර්ජියේවාය.
අනෙක් කාන්තාව වන්නේ ඇමෙරිකානු රාජ්ය ලේකම්වරියක වන වික්ටෝරියා නූලන්ඩ්ය.
ඔවුන් මේ කාන්තාවන් අතර නිර්මලා සීතාරාමන් ක්රියාත්මක කළ භූමිකාව දෙආකාරයෙන් වැදගත්ය. දැඩි අර්බුදයකට පත්ව සිටින ශ්රි ලංකාවට ණය යෝජනා ක්රමයක් හරහා මුලින්ම ණය ලබා දිය යුතු බවට පෙර ගමන් ගියේ ඇයයි. ඇයට මේ සදහා තම අසල්වැසි ශ්රි ලංකාව සම්බන්ධයෙන් මෙන්ම භාරතයේ මුදල් අමාත්යවරිය ලෙසින්ද වගකීමක් තිබිණි. ගෝඨාභය සමයේ නහයටත් උඩින් ගිලී සිටි ශ්රි ලංකාව එක තැන නතර ව සිටි මොහොතක ඉන්ධන ලබා දී ඉදිරියට අමාරුවෙන් තල්ලු කළේ ඉන්දියාවයි. එහිදී ණය ලබා දුන් රට පරාජය ලෙස මෙම ණය පිළිබදව වගකීමේදී මූල්ය අරමුදලේ කැපවීම එක් අතකට ඉන්දියාවටද ශක්තියක් බව ඇය විශ්වාස කරන්නට ඇත.
කොහොම වුණත් පසුගිය දිනවල ශ්රි ලංකාව සිටියේ ඉන්දියාව දිහා බලාගෙනය. ඉන්දීය ණය යෝජනා ක්රමයෙන් එන ඉන්ධන ආහාර හෝ ඖෂධ පමණක් නොව කර්මාන්තවලට අවශ්ය යකඩ ටික ද ඉන්දියාවෙන් එන තෙක් බලා සිටියේය.
මේ බලා හිඳිම ඉන්දියාව දෙස බලාගෙන හැදෙන ආකාරයට සුබවාදී පරිවර්තනයක් ගැන අදහසක් මෑතකදී පළ කළේ යුරෝපීය ව්යාපාර ප්රබලයෙකි.. ඒ සුප්රසිද්ධ ගෝලීය කළමනාකරණ උපදේශන සමාගමක් වන මැකින්සේ සමාගමයි. ඔවුන් ශ්රි ලංකාවට කීවේ ඉන්දියාවේ ආධාර එන තෙක් බලා සිටීම ගැන නොවේ. ඉන්දියාවේ දියුණුව දෙස බලාගෙන ඒ අනුව යමින් ගොඩ යන ලෙසය.
ශ්රි ලංකාවේ පළ වන ඩේලි ෆයිනෑන්ෂල් ටයිම්ස් ව්යාපාර පුවත් පතේ කර්තෘ නිස්තාර් කාසිම් සමඟ සමමුඛ සාකච්ඡාවක යෙදෙන එම සමාගමේ ජ්යෙෂ්ඨ ජ්යෙෂ්ඨ හවුල්කරු ස්වෙන් සමිත් පවසන්නේ ශ්රි ලංකාවට ඉදිරියේදී ආර්ථිකය දැමීම සඳහා වඩාත් ම සුදුසු ක්රමෝපාය විය යුත්තේ වේගයෙන් දියුණු වන ඉන්දියානු ආර්ථිකයට අවශ්ය ශක්තිය සිය භූ ගෝලීය පිහිටීම භාවිත කර ලබා දීම බවයි.
ඔහු McKinsey Global Institute, McKinsey Global Institute, සමාගමේ ව්යාපාරික සහ ආර්ථික පර්යේෂණ අංශයේ සභාපතිවරයා ද වේ.
ඔහු මෑතකදී ශ්රී ලංකාවේ කළ සංචාරයකදී කළ මෙම සම්මුඛ සාකච්ඡාවේදී ස්මිත් පැවසූයේ මෙවැනි කතාවකි.
“ශ්රී ලංකාවට උරුම එක් දායාදයක් වන්නේ රට පිහිටි ස්ථානයයි. මම එන්නේ රොටර්ඩෑම් වරාය තියෙන නෙදර්ලන්තයේ ඉඳන්. ශ්රී ලංකාවට වරාය ක්ෂේත්රේ විශාල විභවයක් තිබෙනවා. ඔබ ඉන්දියාවට වරායක් වුණත් එයිනුත් විශාල වෙනසක් රටට ඇති කළ හැකියි.” ඔහු වැඩිදුරටත් පැවසුවේ, ඉන්දියාවේ නැගීමෙන් ශ්රී ලංකාවට ප්රතිලාභ ලැබෙන බව තහවුරු කරමිනි.
ඉන්දියාව තරම් විශාල දෙයක් වෙනස් වේගයකින් ගමන් කිරීමට පටන් ගත් විට, එය එහි වටපිටාව ඇද ගන්නා අතර, නිවැරදි උපාය මාර්ග, නිපුණතාවය සහ තරඟකාරීත්වය සමඟ ශ්රී ලංකාවට අතීතයට වඩා හොඳින් හා විශාල ලෙස වර්ධනය විය හැකි බව ස්මිට් අවධාරණය කළේය.
ශ්රී ලංකාව ඉන්දියාවට අවශ්ය දේ හදනවාද නැතිනම් අවශ්ය දේ සඳහා සැපයුම් මධ්යස්ථානයක් කරනවාද නැව් නැව්ගත කරනවාද යන්න ශ්රී ලංකාවම තීරණය කර ගත යුතු බව ඔහු අවධාරණය කරයි. McKinsey විධායක නිලධාරියා පැවසුවේ විභව මට්ටමේ ශ්රී ලංකාව ශක්තිමත් බවත් නිවැරදි උපාය මාර්ග මගින් මෙය සාක්ෂාත් කරගත හැකි බවත්ය. “ඔබට හොඳම ව්යාපාරික ප්රතිපත්ති සහ භාවිතයන් වැඩි වන තරමට එය වඩා හොඳය,” යනුවෙන් ස්මිත් පැවසූ අතර ඒවා අතර ලැයිස්තුගත කර ඇත්තේ මූල්ය විනය සහ මුදල් ස්ථාවරත්වය සහ ගතික කෘෂිකර්මාන්තය, නිෂ්පාදන සහ සේවා අංශය සංචාරක හා සැපයුම් ඇතුළුව ය.
“කෘෂිකාර්මික කටයුතු කිරීමට ශ්රී ලංකාවට ස්වභාවික දායාදයක් ඇති අතර ඵලදායිතාව ඇතුළුව ලෝකයේ වඩා හොඳ කෘෂිකර්මාන්තයක් අවශ්ය වේ. ශ්රී ලංකාව වඩාත් ඵලදායි ස්ථානවලින් එකක් විය හැකිය, ”McKinsey හි ගෝලීය නායකත්ව කණ්ඩායමේ සාමාජිකයෙකු වන ස්මිත් සමාගමේ දැනුම වර්ධනය අධීක්ෂණය කරමින් පැවසීය.
දූපත් රාජ්යයක් වන බැවින් ශ්රී ලංකාව සංචාරක ව්යාපාරය කෙරෙහි ස්වභාවික ආකර්ෂණයක් ද ඇති බවත් එය විශාල විභවයක් ඇති බවත් ඔහු වැඩිදුරටත් පැවසීය.
“සෑම රටක්ම තම ස්ථාවරය සොයා ගත යුතු” බව ඔහු අවධාරණය කළේය. ස්මිත්ට අනුව රටකට ලෝකයාගේ මනසේ තැබිය හැක්කේ වචනයක් දෙකක් පමණි. “නිව් යෝර්ක්හි සන්නාම දෘෂ්ටිකෝණයකින් එය වෝල් වීදිය සහ බිග් ඇපල් ය. සිංගප්පූරුවට එහි මූල්ය මධ්යස්ථානයක් ඇත. ලංකාවට වචන එකක් දෙකක් දාන්න පුළුවන්. එය වරායද, එය සංචාරක ව්යාපාරයක්ද, නැතිනම් නිෂ්පාදන ස්ථානයක්ද? මෙයින් අදහස් කරන්නේ ඔබ හතරම කළ යුතු බව නොවේ, නමුත් ඒවායින් එකක් හෝ දෙකක් ශ්රී ලංකාව සම්බන්ධයෙන් ලෝකයට සිතන හෝ මතක තබා ගත හැකි දේවල් විය යුතුය.
ඉනදියාව මේ වන විට අංශ ගණනාවකින් ඉදිරියට වේගයෙන් යමින් ඇත. විශේෂයෙන් තොරතුරු තාක්ෂණ ක්ෂ්රෙතය වරාය ක්ෂ්රෙතය කෘෂි අපනයන සංචාරක ඇතුළු ක්ෂ්රෙතවල පවතින වර්ධනය මත දෙආකාරයක විභවයක් නිර්මාණය වෙයි. එක් අතකින් ඔවුන් ඉන්දීය ජනතාවගේ ආදායම් වර්ධනය වීම සමඟ ඔවුන්ගේ පරිභෝජන ජීවන රටාවෙහි වර්ධනයක් ඇති වීමය. එහි එක් ප්රථිපලයක් වන්නේඉන්දිය සංචාරකයන් ශ්රි ලංකාවට වැඩියෙන් ගෙන්වා ගැනීමේ හැකියාවක් නිර්මාණය වීමයය. එයට අමතරව ඉන්දීය නිෂ්පාදන ක්රියාවලියේ සැපයුම් දාමය තුළ ඉන්දියාවටද වාසිදායක ඉඩක් නිර්මාණය කර ගැනීමට ශ්රි ලංකාවට අවස්ථාව ඇත. එය ඇතැම් ක්ෂේත්ර සම්බන්ධයෙන් දැනටද සිදුවන ත්ත්වයකි.
ලෝකයේ ආර්ථික ක්රියාවලියේදී අතිශයින්ම වැදගත් වන බලශක්තිය සම්බන්ධයෙන්ද මේ වනවිට ඉන්දියාව සෙසු දියුණු රටවලට නොදෙවෙනි තැනක ට පැමිණ ඇත. විශේෂයෙන් පුනර්ජනනීය බලශක්තිය කෙරෙහි ඉන්දියාව තබා ඇති විශ්වාසය ශ්රි ලංකාවද විස්මයට පත්කරවන තරම්ය.
මේ අංශ සියල්ලේ දියුණුව තුළ ශ්රි ලංකාවට සිය ආර්ථික වර්ධනයේ යම් අනන්ය මාවතක් සෙයා ගැනීමෙදී ඉන්දියාවට ආසන්නව පිහිටීමේ වාසිදායක තත්ත්වය ගැන නිතරම කල්පනා කළ යුතු බව ඉහත අදහස දක්වා ඇති යුරෝපීය ව්යාපාර විශේෂඥයාට සියවස් ගණනාවකට පෙර පවා ප්රායෝගිකවම තහවුරු කර ඇත. අද අවැසි වන්නේ ඒ සම්බන්ධතා සහ හැකියාවන් අදට ගැලපෙන අයුරින් හැසිරවීමය.
