ලලිත් චාමින්ද –
ගාල්ල හබරාදුව ප්රදේශයේ නිවසක් තුළ දමා ගොස් සිටි මාසයක් වියැති බිළිදියක් ගාල්ල කරාපිටිය ශික්ෂණ රෝහලට ඇතුළත් කිරීමට කටයුතු කළ බැව් හබරාදුව සෞඛ්ය වෛද්ය නිලධාරි වෛද්ය ප්රමෝද සිරිවර්ධන පවසයි.
මෙම බිළිදියගේ මව විසින් බිළිඳිය තම පියාගේ නිවස තුළ දමා ගොස් තිබු අතර මව් පිය රැකවරණය අහිමිව බිළිඳිය නිවස තුළ සිටි බවද සෞඛ්ය වෛද්ය නිලධාරිවරයා පවසයි
.මේ පිළිබද සෞඛ්ය වෛද්ය නිලධාරිවරයාට දැනගැනීමට ලැබිමෙන් පසු ඔහු සිය කාර්යමණ්ඩලය සමග එම නිවසට ගොස් ඇත. බිළිඳියට අසල නිවසකින් එක් වේලක් කිරි ලබා දී තිබු අතර බිළිදියට අවශ්ය ප්රථිකාර කොට ගාල්ල කරාපිටිය ශික්ෂණ රෝහලට ඇතුළත් කිරීමට කටයුතු කරතිබුණි.
මෙම බිළිදියගේ මව 25 හැවිරිදිවියේ පසුවන තැනැත්තියකි. ඇය විවාහක තැනැත්තියක් වන අතර මහමෝදර රෝහලේ දී දරුවා උපත ලැබ ඇත. මව දරුවා සමග පියාගේ නිවසේ සිට ඇත.
ඉකුත් 11 වැනිදින උදෑසන බිළිඳියගේ මව හබරාදුව නගරයට යන බව පවසා නිවසින් පිටව ගොස් ඇතත් යලි නිවසට පැමිණ නොතිබුණි. නිවසේ සිට ඇත්තේ බිළිඳියගේ සීයා සහ මෙම කාන්තාවගේ බාල වයස්කාර සොයුරන් පමණි. එම සොහොයුරන්ගේ එක් අයෙකුට වයස අවුරුදු 05කි. අනෙකාට වයස අවුරුදු 08කි. මේ කාන්තවගේ මවද නිවසේ නැත. සියා මෙම දරු දෙදෙනාට බිළිඳිය බලාගැනීමට පවරා රැකියාවට ගොස් ඇත.
පසුව නිවසට පැමිණි හබරාදුව සෞඛ්ය වෛද්ය නිලධාරී ප්රමෝද සිරිවර්ධන හබරාදුව පොලිසියේ ළමා හා කාන්තා කාර්යංශයේ නිලධාරිණියන් දැනුවත් කොට බිළිදියගේ සීයා ලවා හබරාදුව පොලිසියට මේ පිළිබද පැමිණිල්ලක්ද කිරීමට කටයුතු කරනු ලැබිය.
මව්පිය රැකවරණය අහිමිව සිටි බිළිඳිය කරාපිටිය රෝහලට ඇතුළත් කිරීමට වෛද්යවරයා කටයුතු කළේය.
බිළිදිය හොඳ සෞඛ්ය තත්වයෙන් පසුවන බැව් සෞඛ්ය වෛද්ය නිලධාරි ප්රමෝද සිරිවර්ධන මහතා සදහන් කළේය..
