ශිෂ්යත්ව විභාග ප්රශ්නපත්රයේ ප්රශ්න පිටවීම පිළිබඳව මේ වනවිටත් විමර්ශනයක් ආරම්භ කර ඇති බවත්, ලබා දී ඇති විසඳුම් ප්රමාණවත් නොවන්නේ නම් නැවත වරක් ශිෂ්යත්ව විභාගය පැවැත්වීමට ද පසුබට නොවන බවත් විභාග කොමසාරිස් ජනරාල්වරයා පවසයි.
මෙවර පහ ශ්රේණිය ශිෂ්යත්ව විභාගයේ පළමු ප්රශ්න පත්රය පිටවූ බව කියන සිද්ධි දෙකක් සම්බන්ධයෙන් විභාග දෙපාර්තමේන්තුව පැමිණිල්ල ලද මෙහොතේම විශේෂ පරීක්ෂණයක් ආරම්භ කර තිබිණි.
අලව්ව ප්රදේශයේ උපකාරක පන්ති පවත්වන රජයේ ගුරුවරයකු සිය අනුමාන ප්රශ්න පත්රය මෙවර ශිෂ්යත්ව විභාගයට බොහෝ දුරට සමාන ප්රශ්න සහිතව ලබාදී ඇති අතර ඔහු සිය සමාජ ජාල, සමූහයකද එය පළකර විභාගය පැවැති 15 වැනි දින අලුයම මකාදමා ඇති බව මවුපියන් පිරිසක් විභාග දෙපාර්තමේන්තුවට පැමිණිලි කර තිබිණි.
ඊට අමතරව තවත් මවුපියන් පිරිසක් චෝදනා කළේ කෑගල්ල දිස්ත්රික්කයේ ඇතැම් පාසල්වල අනුමාන ප්රශ්න පත්රයකද එම ප්රශ්න අඩංගුව තිබූ බවය.
විභාගයේ පළමු ප්රශ්න පත්රයේ ප්රශ්න 3ක් මේ ආකාරයට බොහෝ දුරට සමාන වන ආකාරයෙන් විභාගයට පෙර ලබාදී ඇති අතර මේ පිළිබඳව කඩිනමින් පියවරක් ගන්නා ලෙස මවුපියන් විභාග දෙපාර්තමේන්තුවෙන් ඉල්ලා තිබිණි.
විභාග කොමසාරිස් ජනරාල් අමිත් ජයසුන්දර ඊයේ දිනයේ දී මෙම ප්රශ්නපත්ර සකස් කිරීම සඳහා දායක වුන විශේෂඥ මණ්ඩලය සහ අදාල පාර්ශව ගෙන්වා සාකච්ඡා කර තිබේ.
මේ සම්බන්ධව විධිමත් පරීක්ෂණයකින් අනතුරුව අවශ්ය නම් ශිෂ්යත්ව විභාගය නැවත පැවැත්වීමට වුවද කටයුතු කරන බව විභාග කොමසාරිස් ජනරාල්වරයා කියයි.
