සිය වගාභූමිය වන අලින්ගෙන් රැක ගැනීම සදහා යතුරු පැදියකින් වගාභූමියට යමින් සිටි පුද්ගලයන් දෙදෙනෙකු සූරියවැව මහගල්වැව පරණ රන්මුදුවැව මාර්ගයේදී ඊයේ (29) රාත්රී 08ට පමණ වන අලි ප්රහාරයක්ට ලක්ව එක පුද්ගලයකු මියගොස් අනෙක් පුද්ගලයා අතුරුදහන්ව ඇතැයි සූරිය වැව පොලිසිය පවසයි.
මෙලෙස වනානි ප්රහාරයට ලක්ව මිය ගොස් ඇත්තේ මහසෙන්පුර, සූරියවැව ලිපිනයේ පදිංචි වයස අවුරුදු 49 ක් වන අමරකෝන් කංකානම්ගේ ප්රේමරත්න නැමති අයයි.
මියගිය පුද්ගලයා එම ප්රදේශයේම පදිංචි තවත් පුද්ගලයකු සමග යතුරු පැදියකින් සිය වගා භූමියට යමින් සිටියදී මෙම වන අලි ප්රහාරයට ලක්ව තිබේ. එහිදී 49 හැවිරිදි පුද්ගලයා එම ස්ථානයේදීම මියගොස් ඇති අතර ඒ සම්බන්ධයෙන් සූරිය වැව පොලිසිය දැනුවත් කිරීමෙන් අනතුරුව සූරිය වැව පොලිසිය හා වනජීවී නිලධාරීන් එක්ව දැඩි පරිශ්රමයක් යොදා මියගිය පුද්ගලයාගේ සිරුර එම ස්ථානයෙන් පිටතට ගෙන හදිසි මරණ පරීක්ෂණය පැවැත්වීමෙන් පසු සිරුර පශ්චාත් මරණ පරීක්ෂණ කටයුතු සඳහා හම්බන්තොට මහ රෝහල වෙත යවාතිබේ.
අතුරුදහන් වූ පුද්ගලයා මහගල්වැව ප්රදේශයේම පදිංචි 60 හැවිරිදි පුද්ගලයෙකි.අතුරුදහන් වූ පුද්ගලයා සොයා තවදුරටත් මෙහෙයුම් සිදු කරනු ලබන අතර සිද්ධිය සම්බන්ධයෙන් සූරියවැව පොලිසිය වැඩිදුර විමර්ශන පවත්වයි.
ප්රදේශවාසීන් චෝදනා කරන්නේ දිනපතාම සවස හය පමණ වන විට මෙම ගම්මානවලට වන අලින් කඩා වදින බවත් ඒ සම්බන්ධයෙන් නිලධාරින් කොතෙකුත් දැනුවත් කර ඇති බවත් ඊට මෙතෙක් කිසිවෙකුත් නිසි ප්රතිචාර දක්වා නොමැති බවත්ය.
වන අලි සිටින කැලෑ මේ වන විටත් විවිධ කැලෑ ජාවාරම්කරුවන්ගේ ග්රහණයට ලක්ව ඇති බවත් මේ නිසා වන අලින් නිතර නිතර ගම් වදින බවත් ප්රදේශවාසීහු චෝදනා කරති.
