ශ්රි ලංකාවේ ඉහළ පෙළේ නිලධාරීන් සහ දේශපාලකයන් සම්බන්ධ වී රාජ්ය ආදායම අහිමි කරමින් සිදුකරන දූෂිත කටයුතු පිළිබඳව සියලු තොරතුරු ජාත්යන්තර මූල්ය අරමුදලේ නිලධාරීන් විසින් මේ වනවිට එක්රැස් කරගනිමින් සිටින බව දේශපාලන ආරංචි මාර්ග සඳහන් කරයි.
මේ බව මැනවින් අනාවරණය වි ඇත්තේ පසුගිය සිකුරාදා මුදල් අමාත්යංශයේදී පැවති සාකච්ඡාවකදී සුරා බදු දෙපාර්තමේන්තුවේ නිලධාරීන් සමඟ සිදු කරන ලද සාකච්ඡාවකදී එම දෙපාර්තමේන්තුව මඟින් රාජ්ය ආදායම් අහිමි කර ගන්නා ආකාරය පිළිබඳව සම්පූර්ණඅවබෝධයකින් යුතුව ජාත්යන්තර මූල්ය අරමුදල් නියෝජිතයන් මෙම සාකච්ඡාවකට සහභාගී වීමයි.
ඉතිහාසයේ දරුණුතම ආර්ථික අර්බුදයකට මුහුණ දී සිටින ශ්රි ලංකාව එයින් සහනයක් ලබා ගැනීම සඳහා මේ වන විට ජාත්යන්තර මූල්ය අරමුදලෙන් ඩොලර් බිලියන 2.9ක මූල්ය සහනයක් ඉල්ලා ඇති පසුබිමක් තුළ ඊට අදාල පූර්ව කටයුතු වෙනුවෙන් මේ වනවිට ජාත්යන්තර මූල්ය අරමුදලේ විශේෂඥ කණ්ඩායමක් ශ්රි ලංකාවේ ආර්ථිකය සම්බන්ධ බලධාරීන් සමඟ විවිධ ක්රියාකාරකම් සහ සාකච්ඡාවලට එලඹ සිටිති.
ඒ අනුව රාජ්ය ආදායම් අඩු වීම සහ ඒවා වැඩි කර ගැනීමේ කාර්යක්ෂම ක්රමෝපාය පිළිබඳව දීර්ඝ වශයෙන් සාකච්ඡා කෙරෙන අතර පසුගිය සිකුරාදා මෙම අරමුදල් නිලධාරීන් මුදල් අමත්යංශයේදී සුරාබදු දෙපාර්තමේන්තුවේ, සහ දේශීය අදායම් දෙපාර්තමෙන්තුවේ පවතින ගැටලු පිළිබඳව සාකච්ඡා කර ඇත.
එම සාකච්ඡාවේදී ආදායම් අහිමි වන ආකාරය සම්බන්ධයෙන් මෙතෙක් මූල්ය අරමුදලට හෙළි නොකළ කරුණු ගණනාවක් පිළිබඳව ඔවුන් හොඳින් දැනුවත් බව ප්රකාශ කර ඇත.
එහිදි සුරා බදු දෙපාර්තමේන්තුව විසින් මෑතකදි ක්රියාත්මකක රන ලද මත්පැන් බෝතලයට ආරක්ෂිත ස්ටිකරයක් අලවා බදු නොගෙවා වෙළෙඳපොලට යන මත්පැන් හඳුනා ගැනීමේ ක්රමවේදය තුළ දෙපාර්තමේන්තුවේ නිලධාරීන්ගේද දැනුවත් බව සහිතව සිදුවන දූෂිත ක්රියාමාර්ගය පිළිබවඳව ජාත්යාන්තර මූල්ය අරමුදලේ නිලධාරීන් විසින් විමසා ඇත. මෙම ප්රශ්න කිරීමෙන් දෙපාර්තමේන්තු බලධාරීන් පවා විමතියට පත්ව ඇති අතර ඊට පසුදාම වහාම මෙම ව්යාජ ස්ටිකර් සොයා වැටලීම් සිදු කිරිමට සුරා බදු දෙපාර්තමේන්තුවේ නිලධාරීන්ට නියෝග ලැබී ඇත.
මේ පිළිබඳව පසුගියදා සමගි ජනබලවේග පාර්ලිමේන්තු මන්ත්රී බුද්ධික පතිරණද පාර්ලිමේන්තුවේදී ප්රශ්න කළ අතර අධිකරණ අමාත්ය විජේදාස රාජපක්ෂ ද එම චෝදනාව සත්යයක් බවට සනාථ කළේය
