මියන්මාරයේ සිට බෝට්ටුවකින් මෙරට සාගර කලාපයට ඇතුළුව සිටියදී නාවික හමුදාව විසින් බේරාගනු ලැබූ මියන්මාර ජාතිකයින් 103 දෙනා අද (දෙසැ: 23) මුලතිව් ගුවන් හමුදා කඳවුර වෙත යොමුකොට ඇත.
අධිකරණ නියෝග අනුව අදාළ පිරිස මිරිහාන පිහිටි රැඳවුම් මධ්යස්ථානයක් වෙත යොමු කරන ලෙස දැනුම්දී තිබූ නමුත්, මිරිහාන රැඳවුම් මධ්යස්ථාන තුළ ප්රමාණවත් නවාතැන් පහසුකම් නොමැතිවීම මත අදාළ පිරිස මුලතිව් ගුවන් හමුදා කඳවුර වෙත යොමු කළ බව මුලතිව් ආරක්ෂක අංශ සඳහන් කළේ ය.
මියන්මාරයේ සිට පැමිණි සරණාගතයින් පිරිසක් රැගත් යාත්රාවේ සිටි පුද්ගලයින් 115 දෙනෙකු (දෙසැම්බර් 20 වන දා ) ත්රිකුණාමලය මහේස්ත්රාත් අධිකරණය වෙත ඉදිරිපත් කිරීමෙන් පසු, යාත්රාවේ සිටි කාර්ය මණ්ඩලයේ 12 දෙනෙකු දින 14ක කාලයක් රක්ෂිත බන්ධනාගාර ගත කිරීමටත් ඉතිරි සරණාගතයින් 103 මිරිහාන රැඳවුම් කඳවුර වෙත යොමු කරන්නටත් වැඩබලන මහේස්ත්රාත්වරයා නියෝග කළේ ය.
