ලලිත් චාමින්ද –
අනතුරට ලක්වු ඉරාන නෞකාවේ සිටි පුද්ගලයින් 84 දෙනෙකුගේ මළ සිරුරු ගාල්ල කරාපිටිය ජාතික රෝහලේ මෘත ශරිරාගාරය වෙත ඊයේ (04) රාත්රි රැගෙන එනු ලැබු බව රෝහලේ අධිකරණ වෛද්ය නිලධාරි කාර්යාලය පවසයි.
මළ සිරුරු රැගෙන ඒම සඳහා අවශ්ය බෑග් කරාපිටිය වෛද්ය පිඨයේ අධිකරණ වෛද්ය අංශය මගින් නාවික හමුදාව වෙත ලබා දි තිබුණි.
රෝහලේ මෘත ශරිරාගාරය වෙත රැගෙන එනු ලැබු මළ සිරුරු වලින් කොටසක් මෘත ශරිරාගාරයේ තැන්පත්කිරිමට කටයුතු කළ බවත් ඉතිරි මළ සිරුරු අයිස්කැට අතුරා තැන්පත් කිරිමට කටයුතු කළ බවත් අධිකරණ වෛද්ය නිලධාරි කාර්යාලය පවසයි.
මළ සිරුරු තැන්පත් කිරිම කරාපිටිය වෛද්ය පිඨයේ විශේෂඥ අධිකරණ වෛද්ය නිලධාරි මහාචාර්ය යු.සි.පි පෙරේරා, විශේෂඥ අධිකරණ වෛද්ය නිලධාරි මහාචාර්ය අජිත් රත්නවිරගේ සහ විශේෂඥ අධිකරණ වෛද්ය නිලධාරි ජානකි වරුෂාහැන්නදිගේ අධික්ෂණය යටතේ සිදුකරණු ලැබිය.
මේ සඳහා කරාපිටිය වෛද්ය පිඨයේ අධිකරණ වෛද්ය අංශයේ සහකාර අධිකරණ වෛද්ය නිලධාරින්ගේ සහ වෛද්ය සිසුන්ගේ සහයෝගය ද හිමිවි තිබුණි.
අනන්යතාවය තහවුරුකරගැනිම සදහා සෑම මළ සිරුරක්ම ඡායාරුපගත කිරිමට කටයුතු කළ බව විශේෂඥ අධිකරණ වෛද්ය නිලධාරි මහාචාර්ය අජිත් රත්නවිර සදහන් කළේය. එම මළ සිරුරුවල මුහුණු ඡායාරුපගත කොට ලේඛනගත කිරිමට කටයුතු කළ බවද හෙතෙම පවසයි.
ඉතිරි මළ සිරුරු තැන්පත් කිරිම සඳහා අද (05) ශිතාගාරයක් ලැබිමට නියමිතව ඇති බවද විශේෂඥ අධිකරණ වෛද්ය නිලධාරි මහාචාර්ය අජිත් රත්නවිර වැඩිදුරටත් සඳහන් කළේය.
