කවුරුන් හෝ තම දියණිය ඝාතනය කළ බවට තමන් විශ්වාස කරන්නේ යැයි ද, දියණිය සිය දිවි නසාගැනීම විශ්වාසක කළ නොහැක්කක් බව ද රිෂාඩ් බදුදීන් ගේ නිවසේ මෙහෙකාරකමේ යොදවා සිටිය දී පිළිස්සී මිය ගිය බාලවයස්කාර දැරියගේ දෙමාපියෝ අද (20) මාධ්ය හමුවේ කීහ.
දැරියගේ පියා කීවේ තම දියණිය ගින්දරට ඉතා බිය බැවින් ඇය කිසිසේත්ම ගිනි තබාගෙන දිවි නසා ගන්නේ නැති බවත්ය.
සිය බාල වයස්කාර දියණිය මෙහෙකාරකමට යැව්වේ තමන් විසින් ලබා ගත් ණය මුදලක් ගෙවා දැමීමට තිබූ නිසා බව ද දියණිය මෙහෙකාරකමට ගියේ කැමැත්තෙන් බව ද ඇයගේ මව කීවාය.
බදියුදීන්ගේ නිවසේ සේවය කරමින් සිටියදී තම දියණියට පහර දී ඇති බවත් එය තම දියණිය විසින් තමනට දුරකථනයෙන් ඔස්සේ දැනුම් දුන් බවත් ඇය ප්රකාශ කළාය.
තමනට ඒ නිවසේ සේවය කල නොහැකි යයි දියණිය තමනට දැන්වූ බවත් ඇය කියා සිටියාය.
දැරියගේ සොයුරා ද අද මාධ්ය ඉදිරියට විත් තම නැගනිය බලන්නට මව සමග කොළඹ පැමිණ බදියුදීන්ගේ නිවසට ගිය විට ඇයව දකින්නට දුන්නේ නැති බවය.
කෙසේ වෙතත් අධිකරණ වෛද්ය වාර්තාවේ දැක්වෙන්නේ මේ දැරිය වයස අවුරුදු 12 සිය ගම්මානය තුළ දීම දූෂණයට ලක් වෙමින් සිටි බවට විද්යාත්මක සාක්ෂි ලැබෙන බවය. ඇඳ ඉහපත් වාර්තාවේ දැරියගේ ප්රකාශයක් ලෙස ඇය සිය දිවි හානි කරගත් බවට වූ ප්රකාශයක් ඇය පරීක්ෂා කළ වෛද්යවරයා විසින් තබා තිබිණි.
