වර්ෂ 2025 ජූනි මස ශ්රී ලංකාව විදුලි ජනනයෙන් 70% පුනර්ජනනීය බලශක්ති ප්රභවයන්ගෙන් උත්පාදනය කර සපුරාගෙන ඇතැයි විදුලි බල මණ්ඩලය නිවේදනය කරයි.
විදුලි බල මණ්ඩලයේ මාධ්ය ප්රකාශක ඉංජිනේරු ධම්මික විමලරත්න පවසන්නේ මෙම විශේෂ තත්ත්වය වාර්තා වන්නේ 1990 දශකයේ මුල් භාගයෙන් පසු පළමු වරට බවය.
පුනර්ජනනීය බලශක්ති ප්රභවයන්ගෙන් මෙම ඉල්ලුම සපුරා ගන්නේ සාපේක්ෂව වසරේ අනෙක් මාසවලට වඩා ජූනි මාසයේ ඉහළ විදුලි ඉල්ලුමක් සහිත තත්ත්වයක් යටතේ වීම සුවිශේෂ කරුණක් බව ද මාධ්ය ප්රකාශකවරයා කියයි.
මේ සන්ධිස්ථානය, රටේ විදුලිබල සැපයුම 100% ක්ම පාහේ ජල විදුලිය මත පදනම් වූ මුල් කාලීන ප්රතිපත්තියෙන් සහ ඉන්පසු කාලයේ අනුගමනය කළ ජල විදුලි-තාප විදුලි මිශ්ර ප්රතිපත්තියෙන් අපගමනය වීමක් පෙන්වන බව ද, එය ශ්රී ලාංකීය විදුලිබල පද්ධතියේ පුනර්ජනනීය පංගුව වැඩි කිරීමට ලංවිම ගෙනයන ස්ථිරසාර වැඩපිළිවෙලේ සාර්ථකත්වය පිළිබිඹු කරන බව ද ලංවිම පවසයි.
