ඉරානය සමඟ ද්විපාර්ශ්වික සටන් විරාමයට ඊශ්රායලය එකඟ වී ඇති බව අගමැති බෙන්ජමින් නෙතන්යාහු පැවසීය.
ජනාධිපති ඩොනල්ඩ් ට්රම්ප් සමඟ සම්බන්ධීකරණයෙන් මෙම සටන් විරාමයට එළඹි බවත් අපේක්ෂිත යුද ජයග්රහණයෙන් අනතුරුව මෙසේ සටන් විරාමයට එළඹෙන බවත් නෙතන්යාහු ප්රකාශ කර ඇත.
ඔහු පවසන්නේ ඉරානයේ න්යෂ්ටික සහ බැලස්ටික් මිසයිල වැඩසටහන්වල තර්ජනය ඉවත් කිරීම ඇතුළුව ඉරානයට එරෙහි දින 12 ක මෙහෙයුමේදී ඊශ්රායලය සිය සියලු යුද ඉලක්ක සපුරා ඇති බවත් සඳුදා රාත්රියේ පැවති ඊශ්රායල ආරක්ෂක කැබිනට් මණ්ඩලයට මේ ජයග්රහණ වාර්තා කළ බවත්ය.
ඊශ්රායලය ඉරානයේ හමුදා නායකත්වයට සහ රජයේ ස්ථාන කිහිපයකට ද හානි කළ අතර ටෙහෙරානයේ අහස පාලනය කර ගත් බව ද අවධාරණය කළේය.
“සටන් විරාමය උල්ලංඝනය කිරීමකට ඊශ්රායලය දැඩි ප්රතිචාර දක්වනු ඇත,” අවසානයේ දී ඔහු දැන්වූයේය. ඉරානය පවසා තිබුණේ මුලින් ඊශ්රයාලය සටන නවත්වා සටන් විරාමයකට පිවිසෙන්නේ නම් තමන් ද සටන් විරාමයක් සඳහා සූදානම් බවය.
