රජයේ වෛද්ය නිලධාරීන්ගේ සංගමය නිර්දේශපාලනි සංගමයක් බව තව දුරටත් පෙන්වා දෙමින් 99 වෙනි නිලවරණයෙන් බලයේ සිටි විශේෂඥ වෛද්ය සංජීව තෙන්නකෝන මහතාගේ සභාපතිත්වයෙන් යුතු කණ්ඩායම නැවත පත්කර ගැනීමට සාමජිකත්වය සෙනසුරාදා (28) කටයුතු කළ බව සංගමයේ ප්රකාශකයෙකු ලංකාසර වෙත අදහස් දක්වමින් පැවසුවේය.
ව්යවස්ථානුකූලව වාර්ෂිකව නිලවරණය පැවැත්වුවද ව්යවස්ථානුකූලව බලයට පත්වෙන කණ්ඩායමට අවම වශයෙන් වසර දෙකක කාලයක් රැදී සිටීමට ඉඩ ලබා දීම සාමාජිකත්වයේ කැමැත්ත මත සිදුවූයේය. එම සම්ප්රදාය බිඳහෙලමින් 2022- 2023 වසරවල බලයේ සිටි විශේෂඥ වෛද්ය දර්ශන සිරිසේනගේ සභාපතිත්වයෙන් යුතු කණ්ඩායම නැවත සංගමයේ බලය ලබා ගැනීමට කටයුතු කළ බව ඔහු හෙළි කළේය.
කෙසේ නමුත් දර්ශන සිරිසේනගේ කණ්ඩායම බලයට ගෙන ඒමට වත්මන් රජයේ ඇතැම් දේශපාලකයින් වක්රාකාරව සම්බන්ධ වූ අවස්ථාවන් වාර්තා වී ඇතැයිද හෙළි කරන එම ප්රකාශකයා වැඩිදුරටත් පවසා සිටියේ නාමයෝජනා බාරදුන් දිනයේදි දර්ශන සිරිසේන කණ්ඩායමේ සාමාජිකයින්ගේ ආහාර පාන සඳහා රුපියල්
1,80,000ක මුදලක් පවා මාලිමාවේ එක් දේශපාලකයෙක්වැය කර ඇති බවය.
වෛද්ය සංජීව තෙන්නකෝන් පාර්ශ්වයේ ඇතැම් විශේෂඥ වෛද්යවරුන්ට සංගමයේ ඉහළ තනතුරු ලබා දීමේ අරමුණෙන් දර්ශන සිරිසේන පාර්ශ්වයට බඳවා ගත් අවස්ථාවන් ද පසුගියදා වාර්තා විය. මෙසේ බඳවා ගත් විශේෂඥ වෛද්යවරයා පසුගිය මැයි 25 වෙනිදා භෝජන සංග්රහයක් පවත්වා ඇති අතර එහි ප්රධාන අමුත්තා ලෙස සහභාගි වි ඇත්තේ සෞඛ්ය ලේකම්වයරයා බවද අනාවරණය වී ඇත.
වෛද්ය සිරිසේන පාර්ශ්වය බලය ගෙන ඒමට සෞඛ්ය ලේකම්, සෞඛ්ය සේවා අධ්යක්ෂවරයා ඇතුළු දේශපාලන අධිකාරිය පමණක් නොව දේශපාලන අධිකාරියත් කටයුතු කළ අවස්ථාවන් වාර්තා වී ඇතැයි එම ප්රකාශකයා ලංකාසර වෙත අදහස් දක්වමින් පැවසීය.
කෙසේ නමුත් සංගමය දේශපාලනීකරණය කිරීමට බහුතර සංගම් සාමාජිකත්තවය අකමැති බව මෙම නිලවරණයෙන් මනාව පැහැදිලි වන්නේ යැයිද හෙතෙම අනාවරණය කරයි.
අද රට තුල පවතින වෘත්තීය සමිති බහුතරයක් දේශපාලනීකරණය වී ඇති නමුත් රජයේ වෛද්ය නිලධාරීන්ගේ සංගමය දේශපාලනිකරණය කිරීමට සංගම් සාමාජිකත්වය කිසිවිටක්ත ඉඩ ලබා නොදෙන බව මෙයින් පැහැදිලි වන බවත් මීට පෙර සංගමය දේශපාලනීකරණය වීමට ගිය අවස්ථාවන් වලදි බලයේ සිටි පාර්ශ්වයන් සමාජිකත්වය විසින් ප්රතික්ෂේප කළ අවස්ථාවන් ඉතිහාසය තුළ පවතින බවද හෙතෙම පෙන්වා දුන්නේය.
