මධ්යම පළාත් සභාව යටතේ පාලනය වන දඹුල්ල මූලික රෝහල, සෞඛ්ය හා ජනමාධ්ය අමාත්යාංශය යටතට පවරා ගැනීමට අමාත්ය මණ්ඩල අනුමැතිය හිමිව තිබේ.
රෝහලේ යටිතල පහසුකම් වැඩි දියුණු කිරීම සහ නව ස්ථානයක ප්රතිස්ථාපනය කිරීමේ අරමුණින් මෙම තීරණය ගෙන ඇත.
කැබිනට් මාධ්ය ප්රකාශක අමාත්ය නලින්ද ජයතිස්ස අද (28) පැවැති මාධ්ය හමුවේදී සඳහන් කළේ, 2022-2032 දඹුල්ල සංවර්ධන මහා සැලැස්මට අනුව මෙම පියවර ගන්නා බවය.
දැනට පවතින රෝහල් භූමිය ආර්ථික සංවර්ධන අරමුණු සඳහා යොදා ගැනීමට නියමිත අතර, ඒ වෙනුවට රෝහල නව ස්ථානයක ස්ථාපිත කිරීමට අක්කර 5ක භූමියක් දැනටමත් වෙන් කර ඇත. මෙම සම්පූර්ණ ව්යාපෘතිය සඳහා රුපියල් බිලියන 7ක පිරිවැයක් ඇස්තමේන්තු කර තිබේ.
එම දැවැන්ත පිරිවැය දැරීමට මධ්යම පළාත් සභාවට හැකියාවක් නොමැති බැවින්, රෝහල මධ්යම රජයට පවරා ගැනීමට පළාත් ආණ්ඩුකාරවරයා එකඟතාව පළ කර ඇත.
මාතලේ, අනුරාධපුර, පොළොන්නරුව සහ කුරුණෑගල යන දිස්ත්රික්කවල 230,000කට අධික ජනතාවකට සුවය සලසන මෙම ‘ඒ’ ශ්රේණියේ රෝහල, රජයට පවරා ගැනීම හරහා එහි සේවාවන් තවදුරටත් ඉහළ නැංවීමට අපේක්ෂිතය.
